Sunday, January 27, 2013

Philippine Dome at paglipat ng ABS-CBN sa Bulacan, tanda ng kaunlaran


Ang itinatayong Philippine Dome ng Iglesia ni Cristo na matatagpuan sa Bocaue, Bulacan.



MALOLOS—Umaasa ang Bulacan sa higit na madaragdagan ang negosyo sa lalawigan sa napipintong paglipat ng ABS-CBN Network  sa taong ito at pagtatapos ng Philippine Dome ng Iglesia ni Cristo sa susunod na taon.

Bukod sa mga ito, kinukunsidera din ng negosyanteng si Ramon Ang ang pagtatayo ng isang international port sa baybayin ng lalawigan.

Ayon kay Gob. Wilhelmino Alvarado, malaki ang posibilidad na magsimula ang pagli[pat ng ABS-CBN sa Lungsod ng San Jose Del Monte sa taong ito.

Ito ay dahil sa ang nasabing television network ay may pag-aaraing 100 ektrayang lupain sa nasabing lungsod.

Sa kanyang lingguhang palatuntunan sa Radyo Bulacan na isinasahimpapawid tuwing Sabado, sinabi ng gobernador na hindi na makakaiwas sa malawakang kaunalaran ang Bulacan.

“Ang  trend ng  economic development ngayon ay  going north of Manila and Bulacan is poised to benefit from it,” ani Alvarado.

Sinabi niya sa kanilang pag-uusap ni Gabi Lopez, ang pangulo ng ABS-CBN, binanggit nito ang planong paglipat ng television network sa lungsod ng SJDM.

Hindi binanggit ni Alvarado kung saan sa nasabing lungsod lilipat ang television network, ngunit ayon sa mga resident eng nasabing lungsod na malaki ang posibilidad na ang lipatan ay ang New Town subdivision sa Barangay Bagong Bayan ng nasabing lungsod.

Ang nasabing subdivision ay pag-aari ng pamilya Puyat na sinimulang i-debelop noong dekada 70 ngunit hindi naibenta dahil sa nabubugahan ito ng mga pabrika ng semento noong mga panahong iyon. 

Sa kasalukuyan ay wala na ang mga nasabing pabrika ng semento.

Ayon kay Alvarado, balak ng ABS-CBN na magtayo ng malaking studio sa SJDM na makakahalintulad ng Universal Studios sa Estados Unidos.

Ang lumang gusali naman ng television network sa Lungsod ng Quezon ay gagamiting commercial space tulad ng call center.

Idinagdag pa ng gobernador na sa kanilang pag-uusap ni Lopez, isa sa mga naging katanungan nito ay kung maaapektuhan ng planning international port ni Ramon Ang ang magiging lokasyon ng kanilang studio.

Nguniy sinabi umano ni Alvarado na hindi dahil ang proyekto ni Ang ay ilalatag sa baybayin ng Bulacan.

Bukod naman sa dalawang higanteng proyekto, inaasahang matatapos sa susunod na taon ang Philippine Dome ng Iglesia ni Cristo sa bayan ng Bocaue.

Ang nasabiong dome ay sinasabing pinakamalaki sa buong mundo.

Ito ay inaasahang pasisinayaan sa susunod na taon kaugnay ng pagdiriwang ng ika-100 anibersaryo ng pagkakatatag ng Iglesia ni Cristo.

Bukod sa nasabing dome, nakaplano at itinatayo na rin ang konstruksyon ng malaking pagamutan, sports complex at pamantasan sa tabi ng pasilidad ng Philippine Dome.

Kaugnay nito, itinanggi naman ni Mayor Patrick Meneses na may itatayong malaking port sa baybayin ng bayan ng Bulakan.

Sinabi niya na hindi totoo ang nasabing balita.

Ngunit ayon sa mga resident eng nasabing bayan, marami na ang namimili ng palaisdaan sa baybayin ng nasabing bayan at kabilang doon ang ilang kaanak at kaibigan ni Meneses.  (Dino balabo)

Katiwalian tutuldukan, ani PNoy




MALOLOS—Muling tiniyak ni Pangulong Benigno Aquino III na tutuldukan niya ang katiwalian sa gobyerno at binigyang diin na ang adhikain ng kanyang administrasyon ay sumasalamin sa prinsipyo ng Unang Republika ng Pilipinas.

Ito ang buod mensahe ng Pangulo na binasa ni dating Senador Ramon Magsaysay Jr., sa ika-114 guning taong pagdiriwang ng pagpapasinaya sa Unang Republika ng Pilipinas na isinagawa sa makasaysayang Simbahan ng Barasoain sa lungsod na ito noong Enero 23.

“Sa tingin ko po ay malinaw na sa lahat na walang puwang para panglalamang ang tuwid na landas.Papanagutin natin ang mga nagsamantala sa katungkulan at kapangayarihan. Sisiguruhin natin na ang interes ng marami ang ating isinusulong, at gagawin natin ang lahat upang tuldukan ang katiwalin upang magdulot ng kaunlaran,”  sabi ng Pangulo sa kanyang mensahe na binasa ni Magsaysay.

Nagbabala rin siya na posibilidad na magbalik sa madilim na kabanata ng kasaysayan ang bansa kung ang mga mamamayan ay mananatiling manhid at magsasawalang kibo sa pag-abuso ng mga opisyal ng pamahalaan.

Hinikayat din ng Pangulo angmga mamamayan na laging alalahanin ang kahalagahan ng kalayaan at Saligang Batas bukod sa “kailangan ang pakikiisa ng bawat Pilipino upang maipagpatuloy ang positibong bunga ng pagtahak sa tuwid na daan.”

Sa nasabing mensahe, nagbalik-tanaw ang Pangulo sa pagtatag ng Unang Republika na tinapukan ng pagbuo ng Saligang Batas na pinagtibay ng Kongreso ng Malolos.

Sinabi niya na 70 pangunahin pinuno sa bansa noong panahong iyon ang nagtipon sa Barasoain at pinagkasunduan ang pangangalaga sa kalayaan.
Sa pagpapatibay nhg Saligang Batas ng Malolos ay iniluwal ang Unang Republika ngv Pilipinas na ayon sa Pangulo ay “sagisag ng katuparan ng mga pangarap na ipinaglaban ng ating mga bayani.”

Binigyan diin niya ang tatlong pangunahing elemento ng pagkakatatag ng Unang Republika: “ang pagkalas mula sa tanikala ng dayuhan, mamumuhay na malaya at nagsasarili, at pagpapatunay sa mundo na ang Pilipinas ay para sa Pilipino.”

Bukod dito ipinaalala niya ang kahalagahan ng Saligang Batas na pinagtibay sa Malolos dahil  “nakapaloob dito ang mga tuntunin na dapat sundin, nagsilbi ito bilang batayan kung paano natin tutuparin ng marangal at mahusay ang tungkulin natin bilang mamamayan at linggkod bayan.”

Ayon sa Pangulo ang pagtukoy sa karapatan ng mamamayan at ng mga namumuno ay ang “ang diwa ang pagkakapantay panatay natin” dahil “bilang mamamayan nagpapailalim tayo sa iisang batas na susundin ng lahat mayaman o mahirap.”

Ngunit sa paglipas ng panahon, may mga taong nagtangka na baluktutimn ang Saligang Batas at tinangkang gamitin ito sa kanilang pansariling interes.

Ayon sa Pangulo hindi magtatagumpay ang mga nagtatangkang baluktutin ang batas, dahil sila ay pipiglan.

Bukod dito, sinabi niya na patuloy ang pagsisikap ng pamahalaan upang lalo pang mapatingkad pa ang demokratikong sistema ng ating bansa na ang ganap na kapangyarihan ay nagmumula at angkin ng sambayanang Pilipino.

Tiniyak din ng Pangulo sa kanyang mensahe na “hindi natin bibiguin ang tiwala ang taumbayan, nakahanda tayong ipagtanggol ang bansa anumang banta at peligro. Ngayon isang bansa tayong may sariling soberanya may sariling batas, pamahalaan at pagkakakilalanlanI Ito ang kongkretong patunay sa tagumpay mga pinunong nakipaglaban para sa ating kalayaan.”  (Dino balabo)

Monday, January 21, 2013

Araw ng Republika, pangungunahan ni Magsaysay




MALOLOS— Pangungunahan ni dating Senador Ramon Magsaysay Jr. ang pagdiriwang ng ika-114 tguning taong pagdiriwang ng pagpapasinaya sa Unang Republika ng Pilipinas sa Enero 23 sa Simbahan ng Barasoain sa lungsod na ito.

Si Magsaysay ang magsisilbing kinatawan ni Pangulong Benigno Aquino III na mas naunang inimbitahan ngunit hindi makakarating dahil dadalo sa World Economic Forum sa Davos, Switzerland.

Makakasama ni Magsaysayan sa pangunguna sa pagdiriwang ang mga opisyal ng Bulacan sa pangnguna nina Gob. Wilhelmino M. Sy-Alvarado,Bise Gob. Daniel Fernando at Mayor Christian Natividad ng lungsod na ito.

Bukod dito, makakasama rin nila sa pagdiriwang sina Cavite Gov. Juanito Victor Remulla,  Laguna Gov. Emilio Ramon Ejercito III, Metro Manila Mayor Alfredo Lim, Nueva Ecija Governor Aurelio Umali, Pampanga Governor Lilia Pineda, Batangas Gov. Rosa Vilma Santos-Recto at Tarlac Gov. Victor Yap.

Ang mga nasabing lider ng ibat-ibang lalawigan ay kakatawan sa kanilang lalawigan na sinsimbulo ng walong sinag ng araw sa pambasang bandila bilang mga unang lalawigang nag-aklas laban sa mga Kastila.

“This will be the first time that leaders of the eight provinces that broke from Spanish colonial rule will be present in marking the anniversary of the First Philippine Republic. Their presence will add more significance and boost unity among us in preserving one of the most important events in Philippine history,” ani Alvarado.

Hinggil sa kahalagahan ng kasaysayan, iginiit pa ni Alvarado na “kung ang Baguio ay tanyag sa kanilang bulaklak at ang Pampanga naman ay sa kanilang makukulay na parol, nais nating itanghal ang dakilang lalawigan ng Bulacan bilang bayan ng mga bayani at sa makulay at mahalaga nitong bahagi sa kasaysayan ng Pilipinas.”

Sinabi naman ni National Historical Commission of the Philippines Executive Director Ludovico Badoy na magsisimula ang programa ganap na ikapito ng umaga sa pamamagitan ng pagtataas ng watawat at pag-aalay ng bulaklak sa bantayog ni Hen. Emilio Aguinaldo.

“We want to uplift the awareness of our fellow Filipinos especially the young generation that this is a very significant part of the history. It is not only to promote Malolos, not only for Bulacan but for the entire country as well,” ani Badoy.

Idinagdag pa niya na isa sa mga tampok na gawain ang “Parada ng Republika” kung saan makikibahagi sa parada ang walong gobernador mula sa mga lalawigan na kumakatawan sa walong sinag ng araw na matatagpuan sa watawat ng Pilipinas.

Sinabi din niya na maglalagay din ng mga watawat at tarpaulins sa Roxas Boulevard upang maipaalam sa publiko ang okasyong ito.

Ang Unang Republika ng Pilipinas, na siyang unang republika sa Asya ay itinatag noong Enero 23, 1899, na sinundan ng panunumpa ni Hen. Emilio Aguinaldo bilang pangulo ng bansa.

PAROLA NG SAN ROQUE: Halos dalawang taon ng nakabuwal at lubog sa tubig




HAGONOY, Bulacan—Hiniling ng mga residente ng bayang ito ang agarang rehabilitasyon sa parola ng Barangay San Roque na halos dalawang taon ng nakabuwal at nakalubog sa tubig.

Ang kahilingang ito ay nabatid ng Mabuhay ilang araw matapos makumpuni ang parola sa Barangay Pugad na halos walong taong walang dingas.

Ang parola ng Barangay San Roque ay dating nakatayo sa bunganga ng Ilog ng Angat River palabas ng Manila Bay na naghahati sa mga lalawigan ng Bulacan at Pampanga.

Ang hangganan ng Bulacan at Pampanga ay ang Barangay San Roque sa bayang ito at Barangay Sapang Kawayan sa bayan ng Masantol, Pampanga.

Ang parola naman sa Pugad ay ay malapit asa hangganan ng Hagonoy at Paombong, abot tanaw sa Barangay Masukol ng Paombong.

Ayon sa mga bantay palaisdaan at mangingisda sa Barangay San Roque, ang parola ay tuluyan nabuwal sa panahon ng pananalasa ng bagyong Pedring noong Setyembre 2011.

Sa kanilang pahayag kay Cesar Villanueva, ang Chief of Staff ni Gob. Wilhelmino Alvarado, pinag-agawan pa ng ilang residente at mangingisda ang baterya ng nasabing parola matapos na ito ay mabuwal.

Kasama ang Mabuhay, nagsagawa ng inspeksyon si Villanueva sa baybayin ng Bulacan mula sa Pugad at Tibaguin sa gawing timog at San Roque sa gawing hilaga noong Disyembre 29.

Bahagi ng layunin ng inspeksyon ni Villanueva ay ang pagtukoy sa mga lugar sa baybayin ng lalawigan na mapagtataniman ng libo-libong puno ng bakawan.

Ayon sa mga mangingisda, lubhang mahalaga para sa kanila ang parola kung gabi.

Ito ay dahil sa ang parola ang nagsisilbing gabay nila.

Iginiit pa nila na kailangan ang agarang pagkilos upang muling maitayo ang parola sa San Roque dahil mas marami ang naseserbisyuhan nito.

Ayon sa mga mangingisda, mas marami sa kanila ang pumapalaot sa dagat sa pamamagitan ng pagdaan sa wawa ng San Roque dahil ito ay mas malapit sa mga barangay ng San Pascual, San Roque, Sta, Cruz at Sto. Rosario.

Para naman kay Villanueva, sinabi niyang agad niyang ipababatid kay Alvarado ang kalagayan ng parola upang magawan ng kaukulang aksyon.  (Dino Balabo)

MetroBank, Probe Foundation extends search of Journalists of the Year




In a recently held orientation session for the nationwide Search for Journalists of the Year (JOY) attended by media practitioners, the Metrobank Foundation, Inc. (MBFI) and the Probe Media Foundation, Inc. (PMFI) announced the extension of the deadline for submission of nominations until February 28, 2013.

 "The search is a fitting tribute to our Filipino press people on or behind the camera.  It is about time that we recognize their vigilance translated into powerful storytelling that contributed to nation-building and an informed citizenry," said MBFI president Aniceto SobrepeƱa.

While PMFI founder Cecilia ‘Che Che’ Lazaro expressed that “As journalists, we value our reputation based on what we write and report. More than the fame, what is important to us, as journalists, is that the stories we tell have created positive impact among the people we serve.  I am happy that JOY winners have the opportunity to share their expertise through the conduct of the lectures.”

Qualified for this search are Filipino media practitioners currently residing in the Philippines. They must have been working in the media industry for at least ten (10) years covering the period from January 1, 2002 to December 31, 2012 and must be practicing any medium (print, radio, television or online) of journalism in the Philippines on a regular basis and as a primary source of income.

Nominations are open to everyone of legal age. Self‐nominations are also allowed.  Nominees may be endorsed by their current supervisor, superior or editor, provided that the endorser is attached to a bona fide media organization or news agency.

The three winners will each receive PhP300,000 and a special trophy. They will also be conferred the Metrobank Foundation Fellow in Journalism where they will have the privilege to share their expertise and experience through the conduct of professorial lectures before an identified audience in select academic venues.The program will highlight the journalists’ contributions to both the industry and to society, and give the public a chance to learn from these noteworthy individuals.

The JOY celebrates and honors distinctive Filipino journalists from print, broadcast and online media for their body of work that has contributed to the development of the nation and inspired other media practitioners.  It also encourages responsibility, accountability and excellence in storytelling.  It intends to recognize outstanding mature journalist sometime during his or her prime as viewed in the context of the whole landscape of the journalism profession.  Journalism would be viewed as a life as well as a primary source of livelihood, not just a craft, vocation or career. 

For further inquiries, please visit www.mbfoundation.org.ph. or www.probefound.com. or call the Probe Media Foundation Secretariat at telephone number (02) 433-0456 or e-mail: metrobankfoundation.joy@gmail.com.