LIHAM PASTORAL: Huwag iboto ang mga kandidato laban sa turo ng simbahan

MALOLOS—Huwag iboto ang mga kandidatong laban sa buhay at pamilya

Ito ang buod ng dalawag pahinang liham pastoral na inilabas noong Linggo, Abril 28 ng Diyosesis ng Malolos kaugnay ngnalalapit na halalan sa Mayo 13.

Ang nasabing liham pastoral na nilagdaan ni Obispo Jose Francisco Oliveros ay binasa sa lahat ng parokyang nasa diyosesis sa lalawigan ng Bulacan at Lungsod ng Valenzuela na dating bahagi ng Bulacan.

Sa nasabing liham, binigyang diin ni Oliveros na  hindi dapat iboto ng mga katoliko ang kandidatong laban sa buhay at pamilya.

Ang kanyang tinutukoy ay ang mga kandidatong pumabor sa pagpapatibay ng batas sa Reproductive Health (RH) at mga kandidatong nais magsulong ng mga batas para sa diborsiyo, same sex marriage,aborsyon, at euthanasia o mercy killing.

Iginiit pa ng Obispo na hindi dapat iboto angmga kandidatong nagsulong pagtatayo ng landfill sa Bulacan, maging ang mga  simapahan ng kasong graft at corruption, at mga sangkot sa iligal na pagmimina, iligal na pangingisda, illegal logging, mga kasapi ng dinastiyang pampulitika, at maging ang mga may kabit o kulasisi o kalaguyo.

“Ito ang aking panawagan sa lahat ng mga layko ang kusa at malayang pagtugon sa gawaing ito,” sabi ni Oliveros sa kanyang lihamat idinagdag pa na, “dapat tumulong ang mga laikong kalalakihan at kababaihan namay mataas na katungkulan sa ating lipunan sa paghubog ng budhinh panlipunan ng botante at dapat silang kumilos upang hayagang suportahan ang pagkakahalal sa mga katungkulang pampublikong mga pinunong may wagas na katapatan.”

Sa nasabing liham, ipinaliwanag ni Oliveros na hindi partisan o walang kinilingan ang kanyang mensahe, sa halip iyon ay pagkilala sa mga kandidatong patuloy na kumikilala at nagbibigay suporta sa katuruan ng simbahan.

Ipinalala rin niya sa bawat katoliko, na sa pagpili ang kandidato sa halalan sa Mayo,ang mga botanteng katoliko ay dapat “may alam,” may  “Paki-alam,at may “pakikialam”.

Ito ay nangangahulugan ng pagpapataas ng antas ng kaalaman sa pamamagitan ng pagsusuri at pananaliksik sa uri ng pagkatao ng kandidato at maging sa kapaligiriang panglipunan.

Sa pagsuri ng mga kandidato, ipinayo ni Oliveros angmga batayang “5 C” o ang “conscience, character, competence, compassion at commitment.”

“Marapat lamang na ang botanteng katoliko ay mapag-isip, mapanuri,at mapagsaliksik sa uri ng pagkatao ng isang pulitiko,”sabi ng Obispo.

Hinggil naman sa sinasabing Catholic Vote, inilarawan niya ito na ay “isang puwersang espiritwal na dapat mapanuri sa laranganng lipunan, pjulitika at kultura upang manindigan, bumatikos, magpadalisay omagpatibay ayon sa liwanag ng Salita ng Diyos.”

Binigyang diin pa niya na, “ang botong katoliko ay pagtutol,hindi pagboto sa mga pulitiko na ang programa at panuntunan ay laban sa pananampalataya at moral ng Katoliko.”

Samantala,ialng tagamasid sa pulitika sa lalawiganna ilang sa mga kandidatong nasaling ng liham pastoralay angmag-asawang Gob. Wilhelmino at Kint. Marivic Alvarado.

 

Ito ay dahilsa pananaw na ang mag-asawa ay nabibilang sa dinastiyang pampulitika,si Kinatawan Alvarado ay bumoto ng pabor sa RH law.

Ilan pang mga kandidatong nasaling ng liham ay si Mayor Patrick Meneses ng Bulakan na nabibilang sapamilyang namuno sanasabing bayan sa loob ng mahigit 50 taon; Mayor Feliciano Legazpi ng Niorzagaray na nagpabalik-balik na sapuwesto at ngayon ay runningmate ang kanyang anak.

Maging sina Mayor Joan Alarilla ng Lungsod ng Meycauayan at Ronaldo Flores ng bulubunduking bayan ng Donya Remedios Trinidad ay tinamaan din.

Ito ay dahil sa si Alarilla ay nasampahanng kasong plunder sa Ombudsman samantalang si Flores ay nasuspinde noong nakaraang taon.

Sa bayan ng Obando, tinamaan din si mayor Orencio Gabriel dahilisa siya sa nagsulong Bulacan Sanitary Landfill sa islang barangay ng Salambao. (Dino Balabo)

‘Team Patay’ di iboboto ng mga laykong Bulakenyo

 

MALOLOS—Lalong lumalaki ang hamon sa mga kandidatong tinaguriang “Team Patay” dahil hindi sila iboboto ng mga layko ng simbahan.

Ito ay dahil sa kanilang pagboto ng pabor sa Reproductive Health Law na ngayon ay nasa ilalim ng temporary restraining order (TRO) na inilabas ng Korte Suprema.

Kaugnay nito, ibinulgar ng mataas na opisyal ng Diyosesis ng Malolos na lahat ng kongresistang Bulakenyo ay nangako kay Obispo Jose Francisco Oliveros na hindi susuportahan ang RH Bill,ngunit iisa lamang sa kanila ang tumupad sa pangako.

Ang paninindigan ng mga layko sa Diyosesis ng Malolos ay taliwas sa pananaw ng ilang puluitiko at opisyal ng Simbahang Katoliko na walang matatag na Catholic vote sa bansa.

Ang desisyon ng mga layko ay nananatiling indipendiente sa simbahan dahil hindi pa naglalabas ng opisyal na pahayag si Obispo Oliveros.

Gayunpaman, inaasahang sa mga susunod na araw ay maglalabas ng opisyal na pahayag ang Obispo, at ayon sa mataas na opisyal ng simbahan, malaki ang impluwensiya ng kinahinatnan ng pagpapatibay sa RH Law sa desisyon ng Obispo.

Ayon kay Father Dars Cabral, tagapamuno ng Commission on Social Communications ng Diyosesis, walang matatag na Catholic vote sa bansa.

Ito ay dahil sa ang mas nakararaming Pilipino ay nabibilang sa pananampalatayang Katoliko.

“Hindi pinag-uusapan ang Catholic vote dahil majority sa atin ay Katoliko,” sabi ni Cabral sa panayam.

Ngunit nagbabala siya na maaaring magbago ang nasabing pananaw habang nalalapit ang halalan,partikular na sa lalawigan ng Bulacana may populasyong halos 3-milyon at may rehistradong botante na umaabot sa mahigit 1.4 milyon.

Ang mga nasabing bilang ay karaniwang mga kasapi ng Simbahang Katoliko.

Ayon kay Cabral kahit hindi pa naglalabas ng opisyal na pahayag hinggil sa halalan ang obispo, nagbigay na ng paninindigan ang mga layko ng simbahan na hindi nila iboboto ang mga kasapi ng Team Patay o mga kandidatong pumabor sa pagpapatibay ng RH Law.

Bukod dito, inihayag ni Cabral na mula pa noong Pebrero ay nagsimula na ang voter’s education program ng Simbahan sa pamamagitan ng Parish Pastoral Council for Responsible Voting (PPCRV).

Ayon pa kay Cabral,ang mga kasapi ng PPCRV sa bawat parokya sa lalawigan ay aktibo;at ang PPCRV ng Bulacan ang nanguna sa pagsasalin sa wikang tagalong ang mga impormasyon at polyetong ipinamamahagi para sa voters education.

Inaasahang higit na darami ang susuporta sa paninindigan ng layko ng Simbahan kapag naglabas na ng opisyal na pahayag si Oliveros.

Ayon kay Cabral, kahit hindi pa nagbibigay ng pahayag ang Obispo kung sino ang iboboto at hindi,malaki ang posibilidad na ang magiging mensahe ng Obispo ay may kaugnayan sa RH Law.

“There will be modification because of the influence of the RH Law, yung mga di pumanig sa paninindigan ng simbahan laban sa RH ay pinaninindigan din ng mga layko na hindi nila iboboto,” ani Cabral.

Kaugnay nito, ibinulgar din ng pari na lahat ng kongresista sa lalawigan ay nakipag-usap sa Obispo bago pagtibayin ng Kongreso ang RH Law.

Sa nasabing pag- uusap, lahat ng kongresistang Bulakenyo ay nangako sa Obispo na hindi nila susuporthan ang RH Bill.

Ngunit ayon kay Cabral tanging si Kinatawan Arthur Robes lamang ng Lone District ng San Jose Del Monte ang nanatilin tapat sa pangako sa Obispo.

Ito ay dahil sa ang iba pang kongresista sa lalawigan ay tuwirang sumuporta sa RH Law, samantalang ang iba ay umalis ng bansa bago pa magbotohan sa kongreso. Dino Balabo