Ika-114 guning taon ng Kongreso ng Malolos gugunitain

LUNGSOD NG MALOLOS- Dadaluhan ng dalawang miyembro ng gabinete na sina Kalihim Florencio B. Abad ng Department of Budget Management at Kalihim Armin A. Luistro ng Department of Education ang paggunita sa ika-114 guning taong Pagbubukas ng Kongreso ng Malolos sa darating na Setyembre 15, 2012, 7:00 n.u sa Simbahan ng Barasoain sa lungsod na ito.

Ayon kay Gob. Wilhelmino M. Sy-Alvarado, ang paglingon at pagbibigay halaga sa nakaraan ay kinakailangan upang makatulong sa pagpapatatag ng pundasyon ng lalawigan.

“Hindi natin binabalikan ang nakaraan upang ibalik ang lungkot at sariwain ang hapdi ng kahapon, kundi nais nating alalahanin ang dahilan kung paanong nabubuhay tayo ng malaya ngayon, nais nating buhayin muli sa ating mga puso ang matinding pagnanais ng ating mga bayani na ibigay sa mga mamamayan ang nararapat na para sa kanila, sa ating paglingon sa nakaraan, nawa ay mabuhay at hindi na mawala sa ating mga isipan ang tunay na diwa ng pagmamahal sa bayan,” dagdag ni Alvarado.

Bahagi ng programa ang pag-aalay ng bulaklak bilang pagbibigay parangal kay dating Pangulong Emilio Aguinaldo na susundan ng paglagda sa deklarasyon ng pagkakaisa at pagkilos para sa global warming at climate change ng mga kinatawan ng Liga ng mga gobernador, punong bayan at lungsod at liga ng mga barangay.

Pagkatapos nito ay pasisinayaan ang isinaayos na pook pangkasaysayan ng simbahan ng Barasoain na pangungunahan nina Gob. Alvarado, Bise Gob. Daniel Fernando, Kalihim Abad, Kalihim Luistro, mga kinatawan ng distrito sa Bulacan, Mayor Christian Natividad, Vice Mayor Gilbert Gatchalian, Ma. Serena I. Diokno, pinuno ng National Historical Commission, kasapi ng Sangguniang Panlalawigan at mga punongbayan at punong lungsod sa lalawigan.

Darating din upang makiisa sa pagdiriwang ang mga senior citizen, mag-aaral, guro, non-government organization, at iba pang sektor sa Bulacan.

Samantala, mula ika-9 ng umaga hanggang ika-5 ng hapon gaganapin naman ang Regional General Assembly ng Graduate Education Association of Chartered Colleges and Universities of the Philippines o GEACCUP sa Bulacan Capitol Gymnasium.

At bilang panapos na gawain para sa isang linggong pagdiriwang ng mayamang kultura at kasaysayan ng Bulacan ay gaganapin ang Gawad Dangal ng Lipi kung saan bibida ang mga Bulakenyong umangat sa kani-kanilang napiling larangan na gaganapin sa Hiyas Pavilion, ganap na ika-6 ng hapon.

Pagdiriwang ng Singkaban Fiesta 2012, tuloy pa rin

LUNGSOD NG MALOLOS—Tuloy pa rin ang masayang pagdiriwang ng taunang Singkaban Fiesta 2012 kung saan pormal itong bubuksan sa Setyembre 10, ganap na ika-pito ng umaga sa harap ng Pamahalaang Panlalawigan ng Bulacan.

May temang, “Lalawigang Huwaran ang Pamahalaan, Tahanan ng Dakilang Lahi, Sentro ng Kasaysayan ng Bansa – Bulacan, sa daigdig ay ibandila!”, itatampok sa Singkaban Fiesta 2012 ang mabuting pamamahala at ang mayamang pamana ng kultura at kasaysayan sa Bulacan. 

Sinabi ni Gob. Wilhelmino M. Sy-Alvarado na bagaman simple at payak ang magiging pagdiriwang ngayong taon, kumpleto naman ito sa mga aktibidad na nagtataas ng kamalayan tungkol sa turismo at iba pang maipagmamalaki ng lalawigan.

“The province had undergone calamities that cause massive damages in our infrastructure, agriculture, properties and even lives of some Bulakenyos. Still, we would like to show the world that no disaster can bring down the Bulakenyos. Amid the unfortunate events, there are countless blessings that the province receives and several reasons why we should be thankful to God Almighty,” wika pa ni Alvarado.

Kabilang sa mga aktibidad na isasagawa ang Panaderong Bulakenyo kung saan ibibida sa gawaing ito ang gulay na malunggay bilang pangunahing sangkap sa paggawa ng pandesal, Kapeng Bulacan kung saan itatampok ang kape na produkto mula sa Doña Remedios Trinidad, at ang Float Parade kung saan isasagawa ang parada ng mga karosa mula sa iba’t ibang pribadong kumpanya na magmumula sa Bulacan Sports Complex hanggang Capitol Grounds.

Bubuksan din ang mga eksibit tulad ng Tatak Bulakenyo Trade Fair  na nagpapakita at nagbebenta ng mga produktong Tatak Bulakenyo katulad ng sweets at delicacies, beverages at specialty food, bags, shoes, fashion accessories, handicraft, woodcraft at educational toys, embroiled linen at fabric; Lakan Sining Exhibit na nagpapamalas sa angking husay at talino ng mga alagad ng sining biswal mula sa lalawigan; at ang Dakilang Bulakenyo Series: Eusebio “Maestrong Sebio” Roque na nagbibigay halaga sa mga Dakilang Bulakenyong bayani o alagad ng sining tulad ni “Maestrong Sebio”.

Isasagawa naman sa hapon, ganap na ika-2:00 n.h. ang paggagawad ng mga tropeo sa Bulacan bilang Outstanding Local Government Unit (LGU) at Provincial PESO Partner in Luzon (ukol sa pagsasagawa ng Pre-Employment Orientation Seminar, information dissemination at PAIR Help Desk) at ng National TESDA Kabalikat Award.  Gayundin, lalagdaan ang isang memorandum of understanding sa pagitan ng LGU, POEA, OWWA, CFO at DOLE para sa paglaban sa anti-illegal recruitment (AIR), anti-trafficking in persons (TIP), at child labor (CL).

Simula naman noong Setyembre 8, isinasagawa na ang Kakarong Show sa Nicanor Abelardo Auditorium, na isang pagtatanghal sa pangunguna ng Barasoain Kalinangan Foundation, Inc. na nagtatampok sa pagkakatatag ng Republika ng Kakarong De Sili.

Ito ang ika-25 taong pagdiriwang ng Singkaban Fiesta na tinaguriang “mother of all fiestas in Bulacan” na itatampok sa Linggo ng Setyembre 8 hanggang 15, 2012.

Kakarong, Maestrong Sebio at kumperensiyang pangkasaysayan tampok sa Singkaban Fiesta

MALOLOS—Tampok ang dalawang palabas at isang kumperensiyang

pangkasaysayan sa walong araw na pagdiriwang ng Singkaban Fiesta sa

Bulacan na magsisimula sa Sabado, Setyembre 8.

Kaugnay nito, muling iginiit ng kapitolyo na magiging payak ngunit

Masaya ang nasabing pagdiriwang matapos ibaba sa P2.5-Milyon ang

pondong gugugulin saw along araw na pagdiriwang kumpara sa P10-M na

ginugol sa nagdaang taon.

Ang pagiging simple ng pagdiriwang ay dahil na din sa kalamidad na

nananalasa sa lalawigan nitong Agosto at ayon kay Gob. Wilhelmino

Alvarado, lalabas na insulto sa mga Bulakenyong nasalanta ng kalamidad

kung magiging engrande ng taunang pagdiriwang.

Binigyang diin ng punong lalawigan, ang natipid na pondo sa

pagdiriwang ay gugugulin bilang dagdag na ayuda sa mga nasalanta ng

kalamidad.

Batay sa impormasyong inilabas ng kapitolyo noong Miyerkoles,

Setyembre 5, ang tema ng pagdiwang sa taong ito ay “Lalawigang Huwaran

ang Pamahalaan, Tahanan ng Dakilang Lahi, Sentro ng kasaysayan ng

Bansa—Bulacan, sa digdig ay ibandila.”

Ang walong araw na pagdiriwang ay tatampukan ng “Kakarong Show”,

eksibisyon hinggil kay Eusebio Roque, at tatlong ara na kumperensiyang

tinawag na “El Pueblo Soberano 200.”

Ang pagtatanghal ng “Kakarong Show” ay pangungunahan ng  Barasoain

Kalingan Foundation kung saan ay itatampok ang pagtatatag ng Republika

ng Kakarong De Sili.

Ang Republika ng Kakarong De Sili ay itinatag noong Disyembre 4, 1896

ni Eusebio Roque na mas kilala sa tawag na Mestrong Sebio.  Ito ay

kinilala noong 1996 ng Kongreso bilang kauna-unanang republika sa

bansa.

Ang kakarong De Sili ay matatagpuan sa bayan ng Pandi. Ang

pagtatanghal ng Kakarong Show ay isasagawa sa Nicanor Abelardo

Auditorium sa gusaling Gat Blas Ople sa bakuran ng kapitolyo.

Ito ay itatanghal mula  Setyembre 8 hanggang 15, tuwing ika-9 ng umaga

at ika-1 ng hapon.

Simula naman sa Setyembre 10, Lunes, ay bubuksan ang eksbisyong

Dakilang Bulakenyo Series kung saan ay tampok ang mga larawan ni

Maestrong Sebio na nagsilbing heneral ng hukbo sa Kakarong De Sili.

Si Maestrong Sebio ay isinilang noong ika-14 ng Agosto 1865 sa

Caingin, Bocaue.  Siya ay ay umanib sa Katipunan at nanumpa sa harap

ni Gat Andres Bonifacio noong Disyembre 24, 1895.

Itinatag niya sa Kakarong de Sili ang isang Balangay ng Katipunan sa

Bulacan na tinawag na  Balangay Dimasalang noong 1896.

Ayon sa historyador na si Jaime Corpuz, si Maestrong Sebio ang

nagtatag ng ng rebolusyunaryong Republika ng Kakarong De Sili sa Pandi

noong ika-4 ng Disyembre 1896.

Matapos lusubin ng mga Kastila ang Real de Kakarong, si Maestrong

Sebio ay nadakip sa Bonga Mayor sa bayan ng Bustos noong Ika-14 ng

Enero, 1897.

Siya ay nilitis ng hukumang military at nahatulang mamatay sa

pamamagitan ng pagbaril.

Si Maestrong  Sebio ay binaril noong Enero 16, 1897.

Kaugnay nito, isang tatlong araw na kumperensiya ang isasagawa sa

Barasoain Center for Innovative Education (BarCIE) sa Setyembre 13.

Ito ay tinawag na “El Pueblo Soberano 200” na pangungunahan ng

Samahang Pangkasaysayan ng Bulacan (Sampaka).

Inaasahang dadalo sa nasabing kumperensiya ang embahador ng Espanya sa

Pilipinas na si Jorge Manuel Domecq.

Ang nasabing kumperensiya ay may kaugnayan sa ika-200 taong

pagdiriwang ng unang Saligang Batas ng Espanya at ika-114 guning taon

Congreso Revolucion 1898 sa Malolos.

Bukod sa mga nasabing tampok na gawain magsasagawa rin ng ilang

pangkulturang gawain ang kapitolyo kaugnay ng pagdiwang ng Singkaban

Fiesta.

Ayon kina Provincial Administrator Jim Valerio at Bokal Michael

Fermin, ang tagapangulo ng Lupong Pang-Kalinangan ng  Sangguniang

Panglalawigan, magsasagawa rin ng trade fair sa kapitolyo mula

Setyembre 10 hanggang 15.

Kikilalanin namanangmga natatanging barangay na magwawagi sa Gawad

Galing Barangay sa sa Setyembre 8, at ang mga magwawagi sa Gawad

Dangal ng Lipi sa Setyembre 15 ng agbi.

Ito ay matapos isagawa ang ika-114guning taon ng pagdiriwang ng

pagbubukas ng Kongreso ng Malolos sa makasaysayang simbahan ng

Barasoain.