Pagsuko ni Napoles kay Pnoy, idinepensa

 

BULAKAN, Bulacan—Ipinagtanggol ni Senador Teofisto Guingona III ang ang pagsuko ni Janet Lim Napoles kay Pangulong Benigno Aquino III sa Malakanyang noong Miyerkoles ng gabi, Agosto 28.

Kaugnay nito, iginiit ni Guingona na pabor ang 15 sa 24 na Senador na tuluyang buwagin ang pork barrel, ngunit idinepensa rin niya ang pork barrel ng Pangulo na tinatawag ding Presidential Social Fund (PSF).

Sa isang ambush interview matapos magsalita si Guingona sa ika-163 pagdiriwang ng kaarawan ni Gat Marcelo H. Del Pilar sa bayang ito noong Biyernes, Agosto 30, nilinaw ng senador na hindi “scripted”ang pagsuko ni Napoles sa Pangulo.

 “He is the commander in chief, lahat ay nagrereport sa Pangulo at siya rin ang kinikilalang walang kinikilingan sa pagpapatupad ng batas,”ani Guingona.

Iginiit niya na walang ibang mapagkatiwalaan si Napoles kungdi ang Pangulo.

Ito ay dahil sa posibilidad ng banta sa buhay ni Napoles na itinuturing na utak sa paglustay ng mahigit P10-Bilyon pork barrel fund ng mga kongresista at Senador mula 2007 hanggang 2009.

Hinggil naman sa pananaw ng mga kapwa senador sa kontrobersyal na pork barrel, sinabi ni Guingona na 15 sa mga ito ay pabor na tuluyang alisin ang pork barrel.

“After reading the COA report, at least 15 of us favored the abolition. That’s a majority already,” ani ng Senador na nagpahayag na isa siya sa mga pabor ba alisin ang pork barrel ng mga senador.

Sa pagtatanong ng Mabuhay, inayunan din ni Guingona ang pananaw na bilang mga senador, ang kanilang trabaho ay humubog at magpatibay ng batas at hindi mangasiwa sa P200-M pork barrel bawat taon.

Gayunpamn, ipinagtanggol niya ang PSF ng Pangulo dahil sa ito raw ay nagagamit lalo na panahon ng kalamidad.

Ngunit sa pananaw ng dumaraming Pilipino,ang pork barrel pati na ang PSF ng Pangulo ay isang ugat ng korapsyon.

 Ilan na ang nagpayo na dapat ito ay ipagkaloob sa mga ahensiyang nagpapatupad ng proyekto at maging sa mga pamahlaang lokal.

Hinggil sa paggamit ng PSF sa mga kalamidad, ilan na ang nagsabi na mas makabubuting gamitin iyon sa pagpapatatag sa mga Disaster Risk Reduction Management Councils (DRRMCs).

Matatandaan na noong Biyernes, Agosto 23 ay ipinahayag ng Pangulo ang pagbuwag sa pork barrel.

Ang pahayag ay isinagawa, ilang araw bago isagawa ang million man march sa Luneta noong Lunes, Agosto 26 kung saan ang nagkakaisang panawagan ay buwagin ang pork barrel.

Ang pananaw na ito ay inayunan ng ilang Bulakenyo na nagsabing kung ang pork barrel ng mga kongresistang Bulakenyo ay ginamit sa paghahanda sa kalamidad, hindi sana binaha ang Bulacan at isinailalim sa state of calamity sa nagdaaang tatlong taon.  Dino Balabo

Platapormang “baterya” isusulong ng oposisyon sa Bulakan

MALOLOS—Tiniyak ng mga kandidato ng oposisyon sa bayan ng Bulakan na isusulong nila ang plataporma ng pagbabago na nakapaloob sa salitang “baterya.”

Ang pahayag ay isinagawa nina Dr. Roberto Ramirez at Abogada Aina Pagsibigan sa pagsasagawa ng talakayan sa Radyo Bulacan noong Linggo Abril 28, kung saan ay hindi dumalo si Patrick Meneses ang kasalukuyang alkalde ng Bulakan.

Ayon kay Ramirez, ang bawat letra ng salitang “baterya” ay nangangahulugan ng “Basura at Baha,” “Accountability at Transparency”, “Traffic at Transportation,” Education at Economy,” “River Management System at Religious Council,” “ Youth Empowerment”, at Agrikultura.

Sa kanayang pahayag,sinabi ni Ramirez na ang kung siya ay mahahalal tutukanng kanyang administrasyon ang problema sa baha at basura sa nasabing bayan.

“Walang sistematikong koleksyon ng basura, at mababaw na ang kailugan,”aniya.

Bilang solusyon, iginiit niya ang pagtatayo ng Material recovery Facility uapng maresiklo ang basura, at ang pagpapahukay sa kailugan upang mabilis bumaba ang baha.

Para sa accou8ntability,tiniyak ni Ramirez na magiging tapat ang kanyang panunungkulan at ang paggamit ng pondo ng bayan.

Ipinagmalaki pa niya na bialng kasapi ng ibat-ibang samahan kasama ang Regional Development Council, wala siyang naging kaso ng korapsyon.

Upang maayos ang daloy ng trapiko sa Bulakan, ipinanukalaniya ang pagtatauo ng isang sentral terminal.

Para sa edukasyon, magpapatayo sila ng mga kolehiyo at iba pang paaralan gamita ng pondo ng munisipyo.

Iginiit niya na kung nakagagastos ng Bulakan para sa sweldo ng bodyguard ng kasalukuyang alklade,ang pondong iyon ay magagamit para sa edukasyon at pagbibigay ng iskloarship sa daan daang kabataan.

Ayon kay Ramirez, kapag dumami ang mag-aaral hindi magtatagal ay dadami ang negosyante sa Bulakan katulad ng mga fastfood na Jolibee.

Hinggil naman sa river management, sinabi niya na may pano na ang National Economic Development Authority sa pagbuhay ng transportasyon sa kailugan,kailangan lamang ay mabigyanng sapat na pag-aaraluapng masimulan.

Para pa rin sa letrang ”R”, sinabi niya na makikipag-ugnayan siya s amga religious organization upang bumuo ng isang konseho na magsasagawa at mangunnguna ng moral recovery program sa Bulakan.

Ang mga kabataan naman ay kanilang pasisiglahin sa ibat-ibang programang pagh edukasyon, pampalakasan at pangkukltura.

At para sa Agrikultura, tiniyak ni Ramirez ang pagbibigay ng mga subsidiya sa mga magasasaka at maging sa mga mangingisda.

Inayunan dinito ni Pagsibigan at tiniyak niya na magiging tapat at malinis ang kanilang administrasyon.

Ayon pa kay Pagsibigan, hindi siya magbubulag-bulagankung sakaling magkakaroon ng pag-abuso sa tungkulin si Ramirez kung sila ay mahahalal.  (Dino balabo)

‘3G’ ibabangga ng baguhan sa 50-taong dinastiya

BULAKAN, Bulacan—Inilatag na ng dalawang baguhang kandidato ang kanilang plano upang basagin ng mahigit sa 50-taong dinastiya ng mga Meneses sa bayang ito.

Ang dalawang baguhan ay sina Dr. Roberto Ramirez at Abogada Ana Marie Pagsibigan na kandidato ng Laban ng Demokratikong Pilipino (LDP) bilang alkalde at bise alkalde sa Bulakan.

Ang kanilang sasagupain ay sina incumbent Mayor Patrick Neil Meneses at incumbent Vice Mayor Alberto Bituin ng National Unity Party (NUP).

Si Meneses ay kasapi ng angkan na naghawak ng pinakamataas na posisyon sa bayang ito mula pa noong 1956.

Ayon kay Ramirez, hindi madali ang kanilang magiging laban dahil ang nakakahalintulad nito ang pagbangga sa isang matibay na moog na pinatatag ng mahabang panahon.

“Sa tagal nila sa pulitika, nakabaon na sa kaisipan ng mga tao ang kanilang sistema at mga pamaraan, pero naniniwala kami na mababasag iyan,” sabi ng doktor na napilitang kumandidato sa unang pagkakataon upang magkaroon ng pagbabago sa bayang ito.

Ayon kay Ramirez, bilang isang tradisyonal na angkan ng pulitiko, ang mga Meneses ay may kakayahan magkaroon ng tradisyunal na “3G” o “guns, goons, and gold.”

Ito ay dahil sa mayaman ang angkan na itinuturo ng mga residente ng bayang ito na nagpauso ng maruming pamamaraan sa pulitika katulad ng pamimili ng boto.

Ang akusasyong ito ay ilng beses nang pinatunayan ng ilang kaanak ng mga Meneses at tinampukan pa ng pagkapaslang kay Luisito Sta. Maria na sinasabing “bagman” ng pamilya tatlong araw bago maghalalan noong 2007 kung kailan ay sinasabing natangay din ng mga salarin ang milyong halaga ng salapi na gagamitin sana sa halalan.

Ayon kay Ramrez, ang 3G ng mga Meneses ay tutumbasan din nila ng “3G.” Ito ay nangangahulugan ng “God, goodness, and guts.”

Ipinaliwanag niya na ang Diyos, kabutihan at lakas na loob lamang ang makakabasag sa dinastiya ng mga Meneses.

“Wala kaming itatapat sa pera nila kungdi ang lakas ng loob at kredibildad sa tulong ng Diyos,” aniya.

Inamin ng duktor na wala silang planong pumasok sa larangan ng pulitika, ngunit dahil sa kawalan ng pagbabagong pangkaunlaran sa kanilang bayan ay naglakas na rin sila ng loob.

“Kung hindi kami papasok ngayon, sino at kailan,” aniya.

Nagpahayag din siya ng kalungkutan sa mabagal na pag-unlad ng kanilang bayan sa ilalim ng mahigit na 50 pamumuno ng mga Meneses.

“Ang hamon namin sa mga taga-Bulakan ay iba naman, subukan nila kami ng tatlong taon lang,:” sabi ng duktor at iginiit na napag-iwanan na ng Guiguinto ang Bulakan samanatalang dating bahagi lamang ng kanilang bayan ang Guiguinto.

Bukod dito, sinabi ni Ramirez na ang bayan ng Bulakan ang dating kabisera ng lalawigan sa panahon ng Kastila, ngunit napagiwanan na rin ito ng mga katabing bayan at lungsod tulad ng Balagtas at Malolos.