Tuloy ang operasyon ng STL sa Bulacan; IRR ng PLB wala pa

Tito Inoncillo, managwr Diamon Gaming & Research Center

GUIGUINTO, Bulacan—Tuloy pa rin ang operasyon ng Small Town Lottery  (STL) sa Bulacan mahigit ang isang linggo matapos lumipas ang panukalang taning ng Philippine Charity Sweepstakes Office (PCSO) upang bigyang daan ang Pambansang Loterya ng Bayan (PLB).

Ito ay dahil sa hanggang sa sinusulat ang balitang ito noong Hulyo 11 ay hindi pa rin napagtitibay ng Internal Rules and Regulations (IRR) ga gagamiting batayan sa para sa operasyon ng PLB.

Ang nasabing IRR ay kasalukuyang pang nirerebisa ng Malakanyang.

Gayunpaman, ang patuloy na operasyon ng STL ay posibleng maputol anumang araw kapag napagtibay na ang IRR ng PLB.

Kaugnay nito, binigyan ng pagkakataon ng PCSO ang mga kumpanyang kasalukuyang namamahala sa STL sa lalawigan na magsumite ng aplikasyon para sa napipintong operasyon ng PLB.

Ayon kay Tito Inoncillo, ang tagapamahala ng Diamond Gaming and Research Center (DGRC), ang unang taning na itinakda ng PCSO para sa operasyon ng STL ay Hunyo 30.

Ang DGRC ang operator ng STL sa 21 bayan at talong lungsod sa lalawigan. Tanging ang bulubunduking bayan ng Donya Remedios Trinidad ang walang operasyon ng STL sa Bulacan.

“Our operation is given indefinite extension, but we know that is only good until the IRR for PLB is completed,” sabi ni Inoncillo.

Nilinaw niya na ang pansamantalang [pagpapalawigan sa operasyon ng STL ay bahagi ng plano ng gobyerno na mapanatili ang kinikitang pera sa STL.

Sa huling taya ng PCSO, umaabot sa P4-Bilyong ang kinikita ng gobyerno sa operasyon ng STL sa bansa.

“Kung pinatigil nila kami noong June 30, mula noon hanggang ngayon ay wala silang kikitain,” aniya.

Bilang operator ng STL sa Bulacan sa nagdaang pitong taon, sinabi ni Inoncillo na maraming problema ang pinagdaanan ng DGRC.

Kabilang dito ay ang mga bookies at mga sinasabing parallel operationng jueteng,na kapwa ilegal.

Sa kabilanito, sinabi ni Inoncillo na nagtiwala ang mga mananaya sa STL dahil sa pagiging tapat at maayos ng kanialng operasyon.

“We are very concerned with the operations of bookies in Bulacan because it takes away livelihood of our at least 19,000 manpower,” sabi niya patungkol sa mga kubrador at mga supervisor ng STL.

Hinggil sa kanilang aplikasyon para sa PLB, sinabi ni Inoncillo na rerebisahin at susuriin pa iyon ng PCSO. (Dino Balabo)

Dami ng perang ebidensya sa kaso ng vote buying ikinagulat ni Brillantes

Chairman Brillantes with Mac Reyes.

MAYNILA—Ikinagulat ni Chairman Sixto Brillantes ng Commission on Elections(Comelec)  ang dami ng perang inihain bilang ebidensya sa kaso ng vote buying sa bayan ng Norzagaray, Bulacan sa katatapos na halalan.

“Ngayon lang ako nakakita ng ganoong karaming pera na cash,” ani Brillantes sa isang ambush interview bago siya pumasok sa kanyang tanggapan noong Miyerkoles, Hulyo 10.

Sinabi pa niya na nakakita siya ng malaking halaga ng pera sa nagdaang panahon ngunit iyon ay nakasulat sa tseke.

Gayunpaman, iginiit ni Brillantes, na ang kanyang nakita ay ang mga larawan ng pera na bahagi ng iprinisintang ebidensiya.

Ang mga nasabing larawan at minarkahan bilang ebidensiya ng Comelec First Division noong Miyerkoles.

Sa kabuuan, umabot sa 1,385 na piraso ng P500 papel na nagkakahalaga ng P692,500 ang iprinisinta ng mga abogado ni dating Mayor Feliciano Legazpi sa Comelec bilang ebidensya sa kasong diskwalipikasyon na isinampa laban kay Mayor Alfredo Germar ng Norzagaray.

 

Marking of evidence sa Comelec 1st Division.

Ang kaso ay nag-ugat sa naidokomentong malawakang pamimili ng boto sa North Hills Village sa Barangay Tigbe, Norzagaray noong Mayo 12 o isang araw bago maghalalan.

Ayon kay Legazpi, nagsagawang isang mini-people power ang mga residente matapos matuklasan na may malawakang bilihan ng boto sa tanggapan ng Home Owners Association sa North Hills Village.

Dahil dito,napilitang umalis ang mga coordinator ng Liberal Party at iniwan ang mga kahon ng maliit na sobreng may lamang mga pera.

Agad na ikinandado iyon ng mga residente, ngunit bago maghating gabi ay dumating ang hepe ng pulisya ng Norzagaray na si Supt. Dale Soliba at minaso ang kandado upang makuha ang pera.

Ngunit hindi agad siya nakalabas ng North Hills Village at hinarang siya ng mga residente, at inihatid sa munisipyo.

Ayon kay Legazpi, iprinisinta ni Soliba ang mga perang ebidensya kay Municipal Administrator Matilde Legazpi.

Ngunit tinangka pa raw ni Soliba na kumbinsihin ang municipal administrator huwag ipakita lahat ang ebidensiya at ang iba at paghatian nila.

Hindi pumayag ang municipal administrator na minsan ay nagsilbing alkalde ng Norzagaray.

Bukod sa mga ebidensya, nagpahayag si Legazpi na malakas ang kanilang kaso dahil na rin sa testimonya ng mga testigo.

Sa kasalukuyan, sinabi niyang may halos 300 residente ang nagbigay ng opisyal na salaysay na nagdetalye sa ibat-ibang insidente ng pamimili ng boto sanasahing bayan.

Ayon sa dating alkalde,kakaiba ang kasong kanilang inihain sa Comelec dahil walang kaso ng vote buying sa bansa ang nakapag-ipon ng kasing dami ng ebidensya at testimonya. (Dino Balabo)

Ang pagmamarka sa mga ebidensya laban kay Mayor Germar.

Pagkakaroon ng maraming consultant sa kapitolyo, idinepensa, legal daw

MALOLOS—Ipinagtanggol ni Gob. Wilhelmino Alvarado at iba pang opisyal ang pagkakaroon ng maraming consultant o tagapayo sa kapitolyo sa pagsasabing wala silang nilalabag na batas.

Ito ay matapos kumpirmahin nina Alvarado at Bise Gob. Daniel Fernando na umaabot sa 72 ang consultant sa kapitolyo na sumusuweldo ng P10,000 hanggang P35,000 bawat buwan.

Kaugnay nito,kinumpirma din nina Alvarado at Fernando na walang paring katoliko na nagsisilbing consultant sakapitolyo katulad ng pahayag ng Diyosesis ng Malolos.

Ang usapin hinggil samaraming consultant na pinasusuweldo ng kapitolyo ay nag-ugat sa mga ulat na lumabas sa mga pang-araw-araw na pahayagan noong Miyerkoles, Hulyo 10 na may titulong “In Bulacan, bishops and priests paid honoraria as consultants.”

Ang nasabing ulat ay mula sa opisyal na ulat na inilabas ng Commission on Audit (COA) na ang sipi ay mababasa sa website ng nasabing ahensiya.

“Walang ilegal sa pagha-hire ng mga consultant, wala kaming nilalabag na batas,”ani Alvarado sa panayam sa telepono noong umaga ng Biyernes, Hulyo 12.

Nilinaw niya na walang batas ang nagbabawal sa pagkakaroon ng mga consultant, sa halip ay nakasaad ito ng LocalGovernment Code.

Sa pahayag ng goberndor, kinumpirma niya na 72 ang consultant ng kapitolyo,katulad ng iniulat ng COA.

Inamin din niya na 52 sa mga ito ay nagsisilbing consultant niya at ang 20 ay kay Bise Gob. Fernando at Sangguniang Panglalawigan.

Ayon sa punong lalawigan, 27 sa kanyang consultant ay kanyang pinili dahil sa technical nakakayahan, samantalang ang 25 ay dahil sa kanilang propesyunal na kakayahan at karanasan.

Iginiit niya na walang batas na nagbabawal sa bilang ng kukuning consultant.

Ngunit ipinahayag niya na ang bilang ay dapat akma sa pondong nakahanda.

Inayunan din ito ni Fernando  at nina Bokal Michale Fermin at Enrique Dela Cruz.

Ayon kay Fernando, mahalaga ang pagkakaroon ng mga tagapayo sa pananaw na “two heads are better than one.”

Isa sa kanyang tinukoy na consultant ng Sangguniang Panglalawigan ay si dating Bise Gob. Aurelio Plamenco na tumatanggap ng sweldong P30,000 bawat buwan.

Batay naman sa pahayag nina Fermin at Dela Cruz, ipinaliwanag nila n ang mga consultant ay mga kontraktuwal at hindi nabibilang sa mjga empleyado ng kapitolyo.

Dahil dito,hindi raw nasasakop ng civil service regulations ang mga consultant.

Ayon pa kay Fermin,angmga consultant ay maaari lamang maglingkod hangga’t kailangan ang kanilang serbisyo.

Hinggil kay Obispo Ephraim Perez ng Christian Catholic Church, sinabi ni Alvarado na ito ay kanyang kinuha hindi dahil sa relihiyon, sa halip ay dahil sa iba pang kakayahan.

Nilanaw naman ni Dela Cruz na hindi lumabag ang kapitolyo sa separation of church and state clause ng Saligang Batas sa pagkuha kay Perez.

Ayon kay Dela Cruz, ang mga tao sa simbahan magingmga pari ay maaaring maglingkod sapamahalaan,katula dni dating Pampanga Governor Ed Panlilio na isang pari.

Iginiit paniya na ang ipinagbabawal ng separation of church and state clause sa Konstitusyon ay ang pagpabor ng isang gobyerno saisang relihyon.

Samantala, sinabi ni Father Dario Cabral na ang balita hinggil sa mga consultant ay may posibilidad na pinalaki o ginawang “sensationalized.”

Bilang tagapamuno ng Commission on Social Communications ng Diyosesis ng Malolos, sinabi ni Cabral na sindayang palakihin ang istorya sa paggmit ng mga titulong  “bishop” at “priest” sa titulo ng istorya.

Inayunan din ito ni Alvarado na nagpahiwatig na ang mga naunang lumabas na ulat ay “politically motivated.”

Iginiit niya na sa mga nagdaang administrasyon sa kapitolyo, maraming mga consultant ang kinuha ng mga dating gobernador at mas matataas pa ang pasuweldo.

“Mas mataas ang ibinibigay nilang pasuweldo sa mga consultants noon,pero mas marami kami ngayon, tapos kami ang binabatikos ngayon,” sabi ng gobernador.

Inihaqyad din  niya na apat na sa mga consultant niya ang tinanggal noong Hulyo 1 kabilang dito ang isang Gerardo Borlongan.  (Dino Balabo)

Listahan ng mga consultant sa Governor's Office ng Bulacan

 Sino-sino ang mga consultant sa kapitolyo at magkanoang kanilang tinatanggap na sweldo?

Ito ang katanungan ng maraming Bulakenyo matapos lumabas ang ulat ng Commission on Audit (COA) na may 72 consultant ang kapitolyo.

Dahil dito, nagsagawa ng pagsasaliksik ang Mabuhay Online upang matukoy ang mga consultant.

Ang sumusunod ay ang listahan ng mga consultant sa tanggapan ni Gob. Willy Alvarado na naitala ng COA.

 Narito ang listahan ng mga consultant sa tanggapan ng punong lalawigan, kasama ang sweldong kanilang tinatanggap bawat buwan.

1.    Aniag, Francisco, Jr., Management & Special Concerns,P25,000

2.    Bunag, Larry, Local Government Affairs, P25,000

3.    Caraig, Benjamin, BPC Planning and Economic Affairs, P25,000

4.    Castro, Rolando (Lawyer), Legal, P25,000

5.    Clemente, Renato, Media & Public Affairs, P20,000

6.    Cruz, Clemente, Jr., Barangay and External Affairs, P20,000

7.    Cruz, Reynaldo C., Education, Research Management & Special Concerns, P15,000

8.    Cruz, Vicente, External & Political Matters, P30,000

9.    De Leon, Aurora, Personnel Matters, P30,000

10. Dimaculangan, Wendell, BPC, Planning and Special Concerns, P25,000

11. Lava, Jose, External Affairs & Special Concerns, P20,000

12. Mendoza, Juan, Political Affairs, P20,000

13. Mendoza, Raul, BPC, Planning Development & Economoc Affairs, P30,000

14. Micla, Oscar, Financial Affairs,P35,000

15. Nicolas, Isagani, L. BPC, Planning Dev’t, & Economic Affairs, P25,000

16. Nivera, Estella, Family Counselor, P12,500

17. Nivera Raul, Family Counselor, P12,500

18. Payongayong, Eugenio, Special Projects, P30,000

19. Perez, Afraim, External Affairs, P25,000

20. Principe, Pedro (Lawyer), Legal, P25,000

21. Ramos, Jesus Nino, Legislative, P20,000

22. Rondael, Orlando, Education and Special Concerns, P20,000

23. Rozaldo, Jose, Environment & Special Concerns, P20,000

24. Santos, Ramoncito, External Affairs, P25,000

25. Tayag, Arturo, BPC Planning Development and Economic Affairs,P25,000

26. Tichangco, Renato, Media and Public Affairs, P25,000

27. Tinio, Nestor, Economic Enterprise, P20,000

28. Tuazon, Florante, Healrth Services, P30,000

29. Violago, Bernabe, Legislative, P25,000

30. Santiago, Conrado, HR, Himig Bulakenyo, P20,000

31. Alfaro, Antonio, Barangay and Community Affairs, P10,000

32. Ayupan, Zoltan Mher, Barangay and Community Affaifrs, P15,000

33. Bernal, Danilo E., Jr., External Affairs, P10,000

34. Borlongan, Gerardo, Barangay and Community Affairs, P15,000

35. Cardel, Edwin A., Indigenous and Community Affairs,P15,000

36. Cayabyab, Cristina, Barangay and Community Affairs, P18,000

37. Clemente, Jovito, Skills, Livelihood and Training Development, P10,000

38. Cruz, Rolando, H., External Affairs, P10,000

39. Enguillo, Enrico, Health Services & Maintenance, P20,000

40. Fabian, Bernardo, Barangay and Community Affairs,P15,000

41. Lindayag, Adriano Mario, Barangay and Community Affairs, P10,000

42. Lorenzo, Ricardo, Barangay and Community Affairs, P10,000

43. Pagdanganan, Arturo P., Infrastructure, P15,000

44. Pumaong, Ernesto L. Sr., Barangay and Community Affairs,P15,000

45. Reyes, Tomas, Youth Developmentand Affairs, P15,000

46. Rosario, Kristen Leigh, Physical Beautification and Restoration, P20,000

47. Sacdalan, Felicito S., Culture and Arts, P18,000

48. Salamat, Marcelino, Barangay and Community Affairs, P15,000

49. Santos, Larry, External Affairs, P15,000

50. Santos, Nestor, External Affairs, P15,000

51. Sumpaico, Jaime S., Culture and Arts, P10,000

52. Teodoro, Felino, Barangay and Community Affairs, P15,000

53. Tolentino, Julita, Budget, P20,000