Petisyong recall election laban kay Gob Alvarado isinumite na sa Comelec

 

MALOLOS—Naisumite na sa tanggapan ng Commission on Elections (Comelec) sa Bulacan ang petisyong recall election laban kay Gob. Wilhelmino Alvarado.

Ito ay matapos ang ilang buwan ng bulung-bulungan sa lalawigan na may mga taong nagsusulong ng recall election laban sa punong lalawigan na sa halalan noong Mayo 2013 ay kumandidato na walang katunggali o unopposed.

Batay sa sipi ng petisyon, ang nanguna sa pagsasampang recall election laban kay Alvarado ay si Perlita Mendoza ng 714 Mendoza Street, Barangay Lolomboy,Bocaue Bulacan.

Si Mendoza ay sinasabing dating Provincial Administrator ng kapitolyo sa panahon ng panunungkulan ni dating Gob. Joselito Mendoza na ngayon ay kongresista ng ikatlong distrito ng Bulacan.

Bilang pangunahing petitioner, si Mendoza ay kumakatawan sa 319,707 na Bulakenyong lumagda sa nasabing petisyon.

Sa kabuuan, sinabi ni Abogado Elmo Duque na umabot sa 80 kahon ang isumiteng dokumento sa kanilang tanggapan.

Ito ay dahil sa ang mga nagpetisyon ay nahati sa 12 grupo at ang bawat kopya ng petisyon ay may pitong sipi.

“I confirm na may petition para sa recall election laban kay Governor na isinumite sa aming tanggapan kahapon ng alas-11:30 ng umaga,” ani Duque sa panayam ng Mabuhay noong Martes, Abril 29.

Si Duque ang Provincial Election Supervisor ng Comelec sa Bulacan.

 

Front page ng petisyon.

Sa panayam,nilinaw ni Duque na sa proseso ng paghahain ng recall election,nangangailangan ito ng lagda ng 10 porsyento ng voting  population ng isang local government unit (LGU).

Dahil ang punoing lalawigan ang pinetisyon, ito ay ngangailangan ng 10 porsyento ng voting population ng buong lalawigan.

Batay sa sertipikasyon na ipinagkaloob ng National Statistics Office (NSO) kay Abogado Jolette Fajardo na inilakip sa kopya ng petisyon,ang kabuuang voting population ng Bulacan ay umaabot sa 1,830,698 ayon sa isinagawang census noong 2010.

Ipinaliwanag pa ni Duque na ang voting population ay ang bilang ng mga mamamayan ng lalawigan na may edad 18 taong gulang pataas, rehistrado man o hindi.

Gayunpaman, iginiit niya na kahit nakabatay ang 10 porsyento sa voting population, ang mga lumagda sa petisyon ay dapat nakarehistro bilang botante at bumoto sa halalan noong Mayo 2013.

 

Pagsusuri sa form and substance ng petisyon.

Hinggil naman sa bilang na 319,707 na lumagda, sinabini Duque na, “based on initial assessment, umaabot sa halos 20 percent ng voting population ng Bulacan ang pumirma sa recall petition.”

Sa panayam, nilinaw pang Abogado an ang kanilang ginawa sa isinumiteng dokumento ay “ministerial lamang.”

Kabilang sa kanilang sinusuri ay kung ang bawat pahina ng nilagdaan ng mga nagpetisyon ay nakasulat ang pangalan at posisyon ng pinetisyon, maging ang dahilan kung bakit pinetisyon.

“Importante na nakasulat ang mga impormasyon ito sa bawat signature sheet para walang fraud o panloloko sa pagpapapirma,” ani Duque.

Batay sa  isinumiteng dokumento nakita ng Mabuhay,ang dahilan  ng pagpetisyon kay Alvarado ay ang “loss of confidence due to graft and corrupt practices and abuse of authority” o “kawalan ng tiwala dahil sa korupsyon at pag-abuso sa kapangyarihan.”

Kaugnay nito,nilina ni Duque na may tatlong araw lamang sila upang iproseso ang mga dokumentong isinumite sa kanilang tanggapan.

“Limitado muna kami sa form and substance ng petition dahil three days lang ang allow sa amin batay sa ruling ng Commission,” aniya.

Pagkatapos nito,ay isusumite nila sa Office of the Deputy Executive Director for Operations (ODEDO)  angmga dokumento.

 

Mga kahon ng petisyong isinumite sa Comelec.

Ang ODEDO ay may tatlong araw di lamang upang suriin ang “form and substance” ng petisyon bago ito ilipat sa Comelec En Banc.

Ang En Banc naman ay 15 araw bago maglabas ng desisyon.

Ayon kay Duque, may dalawang posibilidad ang desisyon ng En Banc—tuloy o hindi.

“Pag may pondo, tuloy yan at saka namin sisimulan yung verification kung yungmga pumirma ay registered voters at bumoto sa magdaang halalan,” ani Duque.

Kung wala namang pondo, maaaring makatulad itong desisyon ng En Banc sa katulad na petisyon na isinumite ni dating Puerto Princesa City Mayor Edward Hagedorn laban kay incumbent Mayor Lucio Bayron.

Ang naging desisyon ng Comelec En Banc sa nasabing kaso ay “suspended” ang proceedings dahil saw ala pang pondo.

Ayon kay Duque, maaaring sa 2015 masimulan ang aktuwal na proseso sa recall petition kung ito ay mapondohan sa General Appropriation Act bago matapos ang taon. Dino Balabo

UMUUSAD NA: Kasong pandarambong vs. Alvarado, 6 pa

MALOLOS—Umuusad na ang reklamong pandarambong na isinampa laban kay Gob. Wilhelmino Alvarado at anim pang opisyal ng kapitolyo.

Ito ay sa kanilang pahayag ng punong lalawigan na hindi pa sila nakakatanggap ng liham mula sa Ombudsman upang magpaliwanag.

Ayon kay Antonio Manganti, nagbalik siya sa tanggapan ng Ombudsman noong Biyernes, Marso 7 at napag-alaman niya na may numero na ang reklamong pandarambong na kanyang inihain noong Pebrero 14.

Si Manganti ay isang dating aktibista at rebelde na sumuko at naglingkod sa kapitolyo mula 2001 hanggang 2009.

“Sa wakas, na-evaluate at may numero na ang kaso.  Ibig sabihin ay mabilis ang paggulong ng kaso,” sabi ni Manganti saMabuhay ng siya ay makapanayam sa telepono noong Lunes ng gabi, Marso 10.

Ang nasabing pahayag ay inilathala rin Manganti sa kanyang Facebo0ok account, kasama ang numero ng kaso na FF-L-14-0057.

Ang kasong isinampa ni Manganti ay nagh-ugat sa ulat ng Commission on Audit para sa taong 2012 kung saan ay binaggit na umaabot sa P287-Milyon ang pondo ng kapitolyo na unliquidated.

Ngunit sa pahayag ni Gob. Alvarado, iginiit niya na walang masama sa ulat ng COA, bukod pa sa na-liquidate na raw ang nasabing pondo.

Ito ay muling binanggit ng punong lalawigan sa mga mamamahayag na dumalo sa biglaang press conference na ipinatawag noong Biyernes, Marso 7.

Matapos ang paliwanag, inusisa ng Mabuhay kay Alvarado kung binigyan na sila ng katibayan ng COA na ang inungkat na pondo ni Manganti ay na-liquidate na.

Ayon sa gobernador, wala pa silang natanggap, at wala paring inilalabas na credit advise ang COA.

Binigyang diin niya na hindi lang ang kapitolyo ang hindi pa nabigyan ng credit advise ng COA, kungdi maging ang ibapang pamahalaang lokal sa bansa.

Kaugnay nito, nananawagan si Manganti sa bawat Bulakenyo na maki-isa sa paglaban sa katiwalian.

“Magsama-sama tayo, itaguyod at ipagtanggol natin ng sama-sama an gating kapakanan at karapatan laban pandarambong at katiwalian sa pamahalaan,” aniya.

Bukod dito, nilinaw niya hindi magkaugnay ang kasong isinampa niya laban kay Alvarado at isinusulong na na recall election sa punong lalawigan.

Ngunit ayon kay Alvarado, ginagamit ng mga kalaban niya sa pulitika ang kasiong pandarambong upang mahikayat ang mga Bulakenyo na lumagda sa isinusulong na recall election.

Binigyang diin pa niya na ito ay isang pamumulitika at isang demolition job.

Ngunit para kay Manganti, dapat sagutin ni Alvarado ang usapin ng pandarambong sa halip na ilarawan ito bilang isang pamumulitika.

Iginiit pa ng dating rebel returnee na malinaw ang usapin sa kasong kanyang isinampalaban sa gobernador at anim pang opisyal ng kapitolyo.

Ang iba pang opisyal ng kapitolyo na kasama sa kasong pandarambong ay ang mga kasapi ng finance committee ng kapitolyo na sina Provincial Treasurer Belinda Bartolome, Provincial Budget Officer Marina Flores, Provincial Accountant Marites Friginal, Provincial Planning and Development Officer Arlene Pascual, dating Provincial Administrator Jim Valerio,  at Provincial General Services Officer Inhinyera Marina Sarmiento na nagbitiw sa tungkulin noong nakaraang taon.  Dino Balabo

ALVARADO: Hindi ako suspendido

MALOLOS—Pinasinungalingan ni Gob. Wilhelmino Alvarado noong Sabado, Marso 8 ang kumakalat na balita sa Bulacan na siya ay suspendido.

Ito ay ilang oras lamang matapos na biglaang magpatawag ng press conference ang gobernador noong Biyernes ng hapon upang linawin ang iba pang kumakalat na usap-usap sa lalawigan na siya kinasauhan ng pandaramabong, at matatanggal siya sa posisyon dahil sa inisyatibang election recall.

“Hindi ako suspendido, hindi totoo ang balitang iyan, ako pa rin ang gobernador ng Bulacan,” sabi ni Alvarado sa kanyang lingguhang pagsasahimpapawid sa Radyo Bulacan noong Sabado ng umaga, Marso 8.

Ayon sa punong lalawigan,hindi na mabilang ang mga tawag at text messages na kanyang tinanggap  patungkol sa mga balitang inilarawan niyang “mapanira” at panloloko.”

Sinabi ng gobernador na ilang talunang pulitiko na nakipag-alyansa sa kanyang kalaban ang pulitika ang nasa likod ang mga kumakalat na balita upang sirain ang kanyang pangalan.

“Napaka-agang demolition job ito, malayo pa ang 2016,” sabi ng gobernador na muling nahalal noong nakaraang Mayo dahil walang nagtangkang kumandidato laban sa kanya.

Una rito, nagpatawag ng isang biglaang press conference si Alvarado noong Biyernes ng hapon upang linawin ang mga balitang ipinakakalat ng kanyang kalaban sa pulitika na siya ay may kasong plunder sa Ombudsman.

Nilinaw ng punong lalawigan na ang naisumite pa lamang ang reklamong plunder sa Ombudsman at hindi patio nagighing isang kas.

“Hindi pa kaso yun, sa mga dyaryo lang akop nakasuhyan,” sabi niya patungkol sa mga lumabas na balita sa mga pahayagan patungkol sa nasabing reklamo.

Ipinaliwanag niya na ang wala pang kaso silang sinasagot mula sa Ombudsamandahil hindi pa sila pinadalha ng liham upang magpalinawag.

Ayon pa sa gobernador, mas nauna pang nakatanggapang mga mamamahayag ng sipi ng reklamong inihain sa kanya sa Ombudsman dahil ipinakalat ito ng kalaban niya sa pulitika.

“Ginagamit nila iyan para sa trial by publicity at character assassination,” sabi ni Alvarado.

Binanggit din niya na ang reklamong plunder sa Ombudsaman ay may kaugnayan sa isinusulo9ng na election recall laban sa kanya ng mga katunggali sapulitika.

Ayon kay Alvarado, kasalukuyang ginagamit laban sakanya ng mga katungali sa pulitika ang ang reklamong plunder upang mas marami ang mapapirma sa isinusulong  na elections recall.

Hinggil sa epekto ng mga problemang nabanggit, sinabi ni Alvarado na hindi siya personal na naaapketuhan, ngunit inamin niya na nababalam ang kanyang pagtupad sa tubngkulin bilang gobernador.

Ito ay dahil sa halip dawn a makapagtrabho siya ay napipilitan siyang magpaliwanag sa mga Bulakenyo upang maituwid ang mga mapanirang tsismis na ikinakalat laban sa kanya. Dino Balabo

Rehab ng Angat Dam masisimulan na raw, pero...

MALOLOS—Paulit-ulit na inihayag ng may pagbubunyi ni Gob. Wilhelmino Alvarado na masisimulan ang pagkukumpuni sa Angat Dam.

Ngunit ang tanong ay kailan at sino ang gugugol sa pagpapakumpuni samantalang nag-alangan ang Metropolitan Waterworks and Sewerage System (MWSS) sa paghahandang pondong P5.7-Bilyon noong nakaraang taon.

Kaugnay nito,muling naantala ang pagsasalin sa Korea Water Resources Corporation (K-Water)ng pamamahala sa sa Angat River Hydro Electric Power Plant (ARHEPP) nitong Enero.

Matatandaan na noong Disyembre ay inihayag ng Power Sector Assets and Liabilities Management Corporation (PSALM) na na maisasalin sa K-Water ang pamamahala sa ARHEPP bago matapos ang Enero.

Ngunit bago matapos ang Enero, muling nagapalabas ng pahayag ang PSALM na sa Marso na magsisimula ang pamamahala ng K-Water sa ARHEPP.

Noong Enero 23, isiningit ni Alvarado sa kanyang talumpati sa harap ng libo-libong Bulakenyo na masisimula na ang implementasyon ng pagkukumpuni sa Angat Dam.

Ang talumpati ni Alvarado ay kanyang binigkas sa pagdiriwang ng ika-115 guning taon ng Araw ng Republika sa makasaysayang simbahan ng Barasoain.

Ang pahayag na ito ay inulit pa ni Alvarado sa sakanyang lingguhang pagsasahimpapawid sa Radyo Bulacan noong Sabado, Pebrero 1.

Sa kanyang pahayag sa himpapawid, sinabi ni Alvarado na maaaring masimulan na sa buwan ng Mayo pagpapasubasta para sa rehabilitasyon ng Angat Dam.

 Ngunit ito ay depende kung matutuloy ang pagsasalin sa K-Water ng pamamahala sa ARHEPP sa Marso.

Ayon kay Alvarado, pinag-uusapan na sa Malakanyang ang mabilisang pagpapasaubasta sa rehabilitasyon matapos maging pormal ang paghawak sa pamamahala ng K-Water.

Batay naman sa mas naunang pahayag ni Inhiyero Roderick Dela Cruz, isang dam safety expert na Bulakenyo na kasalukuyang nakabase sa Estados Unidos, hindi simple ang pagpapakumpuni sa Angat Dam.

Ito ay dahil sa hindi pa nagbibigay ng opisyal na pahayag ang K-Water na inaako nila ang responsibilidad na sila ang gagastos sa pagpapakumpuni sa dam.

Ngunit ayon kay Arkitekto Gerardo Esquivel, administrador ng MWSS, kasama sa kontrata ng K-Water ang responsibilidad sa pagpapakumpuni sa dam.

Bukod dito, binigyang pansin din ni Dela Cruz ang proseso ng pagsasagawa ng rehabilitasyon.

Sinabi niya sa Mabuhay na ito ay nangangailangan ng mas masusi at mahabang pag-aaral upang matukoy ang pinakamalakas na lindol na maaaring magpayanig sa dam.

Kung matutukoy ang lakas ng lindol, magsisimula ang pagbuo ng disenyo sa dam na hindi kayang sirain ng pinakamalakas na linsol na lilikhain ng pagggalaw ng Marikina West Valley Fault line na may 200 metro lamang ang layo sa pangunahing dike ng dam.

Matatanda na noong Disyembre 2011 ay sinimulan ng Tonkin and Taylor at ng Engineering and Development Corporation of the Philippines(EDCOP) ang pag-aaral sa katatagan ng dam.

Ang nasabing pag-aaral o feasibility study na pinondohan ng PSALM ng $1-M ay natapos noong Mayo 2012 o makalipas ang anim buwan.

Ayon kay Dela Cruz, “hindi sa wala akong tiwala, pero masyadong maikli ang pag-aaral na isinagawa.”

Bibigyang diin niya na sa Estados Unidos kung saan ay 80 dam ang kanyang pinamamahalaan, kapag magsasagawa ng rehabilitasyon, inaabot sila ng tatlong taon sa pagsasagawa ng pag-aaral.

Ang pananaw na ito ay inayunan ng isang mataas na opisyal na National Power Corporation (Napocor) at ni Alvarado.

Binigyang diin ng opisyal ng Napocor na masyadong mababaw ang pag-aaral sa katatagaan ng dam.

Dahil dito, sinabi ni Dela Cruz na posibleng hindi kilalanin ng K-Water ang pag-aaral na isinagawa ng Tonkin and Taylor at ng EDCOP.

Ngunit iginiit din niya na maaaring dagdagan pa ng K-Water ang nauang pag-aaral na isinagawa upang matukoy ang tinatawag na probable maximum  earthquake o ang posibleng pinakamalakas na lindol na magpapayanig sa dam.

Kaugnay nito, sinabi Noel Ortigas, executive vice president ng EDCOP na kasalukuyan ng nagsasagawa ng trenching o pag-aaral ang Philippine Institute of Volacanology and Seismology (Phivolcs) sa kahabaan ng WMVF.   (Dino Balabo)

Alvarado, 6 pa, kinasuhan ng pandarambong

MALOLOS—Nahaharap ngayon sa kasong pandarambong o plunder si Gob. Wilhelmino Alvarado at anim pang opisyal ng kapitolyo kaugnay ng P287-Milyong “unliquidated”na pondo noong 2012.

Kaugnay nito, itinaggi ni Alvarado ang paratang na inilarawan niya bilang isang “political harassment” ng kanyang mga katunggali sa pulitika.

Ang nasabing kaso na nag-ugat sa ulat na inilabas ng Commission on Audit (COA) noong nalaraang taon hinggil sa resulta ng kanilang pagsusuri sa paggamit ng pondo ng kapitolyo sa taong 2012.

Kabilang sa kinasuhan ay sina Belinda Bartolome, hepe ng provincial treasurer’s office; Marina Flores, hepe ng Provincial Budget Office; Marites Friginal, hepe ng provincial accountant’s office.

Arlene Pascual, hepe ng Provincial Planning and Development Office (PPDO); dating Provincial Administrator Jim Valerio na ngayon ay chief of staff ni Gob. Alvarado; at Inhinyera Marina Sarmiento, ang dating hepe ng Provincial General Services Office (PGSO) na nagbitiw sa tungkulin noong bakaraang taon.

Ang nasabing kaso ay inihain ni Antonio Manganti sa tanggapan ng Ombudsman noong ika-14 ng Pebrero o Valentine’s Day.

Si Manganti na nagpakilala bilang isang tax payer mula sa bayan ng Donya Remedios Trinidad, ay isang dating rebel returnee na nagtrabaho sa kapitolyo sa panahon ng panunungkulan ni dating Gob. Josefina Dela Cruz.

Siya ay nagtrabaho din bilang isa sa mga staff ni Sienna Maureen Hilario na dating chief of staff ni Dela Cruz.

Ang mga akusasyon ni Manganti ay batay sa ulat ng COA para sa taong 2012 na kung saan ay naulat na delayed o naantala ang preparation ng bank statements ng kapitolyo, may iregularidad sa replenishment ng cash funds, at may unliquidated na pondio na umaabot sa mahigit 200-M.

Batay pa sa kasong isinampani Manganti, ang pinakamalaking bahagi ng unliquidate funds ng kapitolyo na umaabot ng P287-M  ay nagmula sa confidential intelligence fund (CIF).

Inihalad ni Manganti na umabot sa P197.56 –M ang unliquidated na CIF.

Bukod dito, pinuntusan din niya ang pagdami ng pinasusuweldong kawani ng kapitolyo na karamihan ay job order; at ang maraming bilang ng consultant ng kapitolyo.

Kabilang samga consultant ng kapitolyo ayon sa ulat ng COA na pinagbasehan ni Manganti ay hindi nakaabot ang kakayahan sa pamantayang itinakda.

Bukod dito, may mga consultant ang kapitolyo na ang natapos lamang ay “high school” ay mayroon ding consultant na nabibilang sa mga sekta ng relihiyon.

Ang iba pang pinagabtayan ng kasong plunder na isinampani Manganti ay ang ilegalnapaggamit ng Special Education Fund ng Kapitolyo at pamamahagi ng sobra-sobrang donasyon sa mga samahang hindi nabigyan ng akreditasyon ng Sangguniang Panglalawigan.

Ayon sa kasong isinampani Manganti, umabot sa mahigit P10-M ang pera ng ng SEF na nagamit ng kapitolyo bilang donasyon, samantalang ito ay dapat gamitin para sa mga programa sa edukasyon. (Dino Balabo)

Angat rehab masisimulan na raw, paglilipat sa K-Water ng pamamahala sa ARHEPP naantala

Angat Dam

MALOLOS—Paulit-ulit na inihayag ng may pagbubunyi ni Gob. Wilhelmino Alvarado na masisimulan ang pagkukumpuni sa Angat Dam.

Ngunit ang tanong ay kailan at sino ang gugugol sa pagpapakumpuni samantalang nag-alangan ang Metropolitan Waterworks and Sewerage System (MWSS) sa paghahandang pondong P5.7-Bilyon noong nakaraang taon.

Kaugnay nito,muling naantala ang pagsasalin sa Korea Water Resources Corporation (K-Water)ng pamamahala sa sa Angat River Hydro Electric Power Plant (ARHEPP) nitong Enero.

Matatandaan na noong Disyembre ay inihayag ng Power Sector Assets and Liabilities Management Corporation (PSALM) na na maisasalin sa K-Water ang pamamahala sa ARHEPP bago matapos ang Enero.

Ngunit bago matapos ang Enero, muling nagapalabas ng pahayag ang PSALM na sa Marso na magsisimula ang pamamahala ng K-Water sa ARHEPP.

Noong Enero 23, isiningit ni Alvarado sa kanyang talumpati sa harap ng libo-libong Bulakenyo na masisimula na ang implementasyon ng pagkukumpuni sa Angat Dam.

Ang talumpati ni Alvarado ay kanyang binigkas sa pagdiriwang ng ika-115 guning taon ng Araw ng Republika sa makasaysayang simbahan ng Barasoain.

Ang pahayag na ito ay inulit pani Alvarado sa sakanyang lingguhang pagsasahimpapawid sa Radyo Bulacan noong Sabado, Pebrero 1.

Engr. Dela Cruz and Gov. Alvarado

Sa kanyang pahayag sa himpapawid, sinabi ni Alvarado na maaaring masimulan na sa buwan ng Mayo pagpapasubasta para sa rehabilitasyon ng Angat Dam.

 Ngunit ito ay depende kung matutuloy ang pagsasalin sa K-Water ng pamamahala sa ARHEPP sa Marso.

Ayon kay Alvarado, pinag-uusapan na sa Malakanyang ang mabilisang pagpapasubasta sa rehabilitasyon matapos maging pormal ang paghawak sa pamamahala ng K-Water.

Batay naman sa mas naunang pahayag ni Inhiyero Roderick Dela Cruz, isang dam safety expert na Bulakenyo na kasalukuyang nakabase sa Estado Unidos, hindi simple ang pagpapakumpuni sa Angat Dam.

Ito ay dahil sa hindi pa nagbibigay ng opisyal na pahayag ang K-Water na inaako nila ang responsibilidad na sila ang gagastos sa pagpapakumpuni sa dam.

Ngunit ayon kay Arkitekto Gerardo Esquivel, administrador ng MWSS, kasama sa kontrata ng K-Water ang responsibilidad sa pagpapakumpuni sa dam.

Bukod dito, binigyang pansin din ni Dela Cruz ang proseso ng pagsasagawa ng rehabilitasyon.

Sinabi niya sa Mabuhay na ito ay nangangailangan ng mas masusi at mahabang pag-aaral upang matukoy ang pinakamalakas na lindol na maaaring magpayanig sa dam.

Kung matutukoy ang lakas ng lindol, magsisimula ang pagbuo ng disenyo sa dam na hindi kayang sirain ng pinakamalakas na linsol na lilikhain ng pagggalaw ng Marikina West Valley Fault line na may 200 metro lamang ang layo sa pangunahing dike ng dam.

Matatanda na noong Disyembre 2011 ay sinimulan ng Tonkin and Taylor at ng Engineering and Development Corporation of the Philippines(EDCOP) ang pag-aaral sa katatagan ng dam.

Ang nasabing pag-aaral o feasibility study na pinondohan ng PSALM ng $1-M ay natapos noong Mayo 2012 o makalipas ang anim buwan.

Angat dike cross section

Ayon kay Dela Cruz, “hindi sa wala akong tiwala, pero masyadong maikli ang pag-aaral na isinagawa.”

Bibigyang diin niya na sa Estados Unidos kung saan ay 80 dam ang kanyang pinamamahalaan, kapag magsasagawa ng rehabilitasyon, inaabot sila ng tatlong taon sa pagsasagawa ng pag-aaral.

Ang pananaw na ito ay inayunan ng isang mataas na opisyal na National Power Corporation (Napocor) at ni Alvarado.

Binigyang diin ng opisyal ng Napocor na masyadong mababaw ang pag-aaral sa katatagaan ng dam.

Dahil dito, sinabi ni Dela Cruz na posibleng hindi kilalanin ng K-Water ang pag-aaral na isinagawa ng Tonkin and Taylor at ng EDCOP.

Ngunit iginiit din niya na maaaring dagdagan pa ng K-Water ang nauang pag-aaral na isinagawa upang matukoy ang tinatawag na probable maximum  earthquake o ang posibleng pinakamalakas na lindol na magpapayanig sa dam.

Kaugnay nito, sinabi Noel Ortigas, executive vice president ng EDCOP na kasalukuyan ng nagsasagawa ng trenching o pag-aaral ang Philippine Institute of Volacanology and Seismology (Phivolcs) sa kahabaan ng WMVF.   (Dino Balabo)