2 Parangal muling nasungkit ng Mabuhay, 6 pa nagwagi rin sa PPI-CPA

LUNGSOD NG MAKATI—Dalawang parangalang muling tunaggap ng pahayagang Mabuhay sa katatapos na taunang Community Press Awards (CPI) ng Philippines Press Institute (PPI).

Kaugnay nito, anim pang pahayagan ang tumanggaprin ng parangal mula sa PPI kaugnay ng isinagawang ika-17 National Press Forum sa New World Hotel na matatagpuan sa Lungsod na ito noong Hunyo 13 hangang 14.

Ang iba pang tumanggap ng parangal ay ang mga lingguhang pahaygang Baguio Midland Courier, The Bohol Chronicle, The Mindanao Cross.

Sa hanay ng mga pahayagang inilalathala araw, ang mga nagwagi sa PPI-CPA ay ang

Sun.Star.Cebu, Sun.Star Davao, at Edge Davao.

Ang parangal ay ipinagkaloob ng PPI  kaugnay ng ika-49 na taong pagkakatatag nito.  Ang PPI ay itinatag noong 1964.

Ang mga parangal na tinanggap ng Mabuhay ay ang Best in Science and Environment Reporting na tinaggapsa kauna-unahang pagkakataon ng pahayagang ito; at

Best in Photojournalism na tinaggap ng Mabuhay saikatlong sunod na taon .

Ang mga nabanggit na parangal ay ang ikalkima at ikaanim na parangal na tinanggap ng Mabuhay mula sa PPI sa nagdaang tatlong taon.

Ito rin ang ika-10 at ika-11 parangal na tinaggap ng Mabuhay mula sa PPI mula ng simula ang pagbibigay ng CPA sa mga lingguhang pahayagan noong 1997.

Una rito,tumanggap ng parangal na Best Edited Weekly Newspaper ang Mabuhay noong 2003, 2007, 2010, at 2011; at Best in Photojournalism noong 1998, 2005,2008, 2010, at 2011.

Para sa 2012 PPI-CPA,ang Sun.Star Cebu ang tinanghal na pinakamatagumpay matapos tumanggap ng apat na parangal.

Ang pag-araw-araw na pahayagang ay tumanggap ng mga parangalna Best in Climate Change and Biodiversity Reporting, Best in Culture and Arts Reporting, Best in Photojournalism, and Best Editorial Page.

Kasunod nila ang lingguhang Baguio Midland Courier na tumanggap ng tatlong parangal na kinabibilangan ng Best in Climate Change and Biodiversity, Best in Culture and Arts reporting at Best in Business and Economic Reporting.

Ang mga tao sa likod ng Mabuhay.

Dalawa naman ang tinanggapng ng pang-paraw-araw na pahayagang Sun.Star Davao. Ito ay ang Best in Business and Economic Reporting at Best Edited Paper

 

Iniuwi naman ng Edge Davao na inilalathala araw-araw ang parangal na Best in Environment and Economic Reporting, samantalang nagwagi ang mga lingguhang The Bohol Chronicle at The Mindanao Cross ng mga parangal na Best Editorial Page at Best Edited Paper, ayon sa pagkakasunod.

Ayon kay Abogado Jesus Dureza,ang bagong halal na tagapangulo ng PPI, ang taunang parangal ay isang simplengpagkilalala sa mataas na antas na pamamahayag na isinasagawa ng mga nagsipagwagi.

Bilang bagong tagapangulo ng pambansang samahan ng mga pahayagan, tiniyak ni Dureza na magpapatuloang PPI sa pagbibigay ng parangal sa mga pahayagan sa mga lalawigan.

Ang taunang parangalna sinimulan noong 1996 ay sinusuportahan ng mga higanteng pahayagan nakabase sa Maynila tulad ng The Philippine Star, Philippine Daily Inquirer, BusinessWorld, Manila Standard Today, Malaya Business Insight at ng Philippine Journalist Incorporated ng Journal Grouop of Publications.

Ang mga nasabing pahayagan ay aysisilbing “brothers keepers” ng mas maliliit na pahayagan sa mga lalawigan.

Kaugnay nito, sinabi ni Abogado Adel Tamano,ang direkto ng Public Affairs and Communications ng The Coca-cola export Corporation (TCCEC) na ang PPI ang isa sa kanilang pinakamahalagang ka-partner.

Itio ay partikular na sa layunin ng TCCEC na magsulongng higit na kaunlaran sa mga pamayaanan.

Ang TCCEC ay nagsusulong ng mga programang katulad ng Little Red school house. Dino Balabo

Banta ng digital age sa pahayagan at mamamahayag susuriin sa PPI-NPF

MALOLOS—Ano ang kapalarang naghihitay sa mga pahayagan at lokal na mamahayag sa ilalim ng digital age?

Ito ay isa lamang sa mga katanungang bibigyang kasagutan sa ika-17 National Press Forum na pangungunahan ng Philippine Press Institute (PPI) sa ika-49 na taong pagkakatatag nito bilang pambansang samahan ng mga pahayag.

Ang NPF na may temang “"Watching the Watchdog: Re-examining Ourselves" ay isasagawa sa  New World Hotel sa Lungsod ng Makati sa Hunyo 13 hanggang 14.

Ito ay tatampukan ng taunang Community Press Awards kung saan ay bibigyang parangal ang mga natatanging pahayag sa bansa.

Ayon kay Ariel Sebillino, executive director ng PPI, ang ika-17NPF ay magtatangkang suriin ang pamamahayag sa bansa, maging ang mga posibleng kapalaran ng mga lokal na pahayagan.

Ito ay binigyang diin pa ni Amadomacasaet sa huling pulong ng PPI Board of Directors.

 "We need to be critical of ourselves too," ani macasaet, ang tagapaglathala ngpahayang Malaya at tagapangulo ng PPI.

Hindi rin inilihim ni Macasaet ang kasalukuyang kalagayan ng mga mamamahayag sa bansa.

Sinabi niya na “there are those who corrupt and those who are being corrupted."

Sa kalagayang ito,higit na nagkakaroon ng kahulugan ang tema ng NPF sa taong ito dahil hindi lamang ang journalism ethics ang sinasakop nito kungdi maging ang posibleng kalagayan ng mga pahayagan sa harap ng onlinemedia at iba pang kumpetisyon.

Ang taunang NPF ay lalahukan ng mga patnugot ng may 70 kasaping pahayag ng PPI,mga kinatawan ng ibat-ibang embahada, mga guro at mag-aaral ng pamamahayag, opisyal ng gobyerno at non-government organizations, at mga negosyante.

Kabilang naman samga panaunhing tagapagsalita ay sina Vergel Santos, pangalwang tagapangulo ng PPI, Dean Rolando Tolentino ng University of the Philippines' College of Mass Communication (UPCMC), Ramon Tuazon ng  Asian Institute of Journalism and Communication (AIJC),  Raissa Robles, isang foreign correspondent at popular na journalist-blogger; Rowena Paraan ng National Union of Journalists of the Philippines (NUJP), Malou Mangahas ng Philippine Center on Investigative Journalism (PCIJ), at Marites Vitug ng Rappler.  Dino Balabo

Depektibong PCOS papalitan sa 2016

HAGONOY, Bulacan—Posibleng palitan ang mga depektibong Precinct Count Optical Scan (PCOS) na ginamit sa katatapos na halalan bago dumating ang 2016.

Ito ang buod ng pahayag ng mataas na opisyal ng Commission on Elections (Comelec) sa lalawigan kaugnay ng pagsasagawa ng halalan noongLunes, Mayo 13 kung saan ay naging tampok ang samut-saring problema sa PCOS machines.

Ang mga problema sa PCOS ay ipinahatid sa Mabuhay ng mga guro, botante, maging ng mga opisyal ng Comelec sa Bulacan.

Bukod irito, naging saksi rin ang Mabuhay sa pagbabara ng balotang ipinasok sa PCOS machine na gamit sa presinto sa bayang ito kung saan ay bumoto sina Gob. Wilhelmino Alvarado at ang kanyangmay bahay na si Kint. Marivic Alvarado.

Ang iba pang ulat ay isinahimpapawid naman ng Radyo Bulacan na nagsagawa ng isang marathon broadcast bilang pagsubaybay sa pagsasagawa ng halalan mula Linggo ng hapon hanggang Martes ng madaling araw o Mayo 14.

Ayon kay Abogado Elmo Duque, provincial election supervisor sa Bulacan, posibleng palitan na ang mga PCOS na nagkaroon ng problema sa katatapos na halalan bago isagawa ang halalan sa 2016.

Gayunpaman, itinanggi niya na ang dahil ng PCOS ay sahil sa pagiging luma nito at mahabang panahon ng pagkakaimbak sa bodega.

“Mas malamang ay dahil sa pagkaka-alog niyan sa biyahe mula sa bodega patungo sa mga presinto, o kaya ay sa init ng panahon,” ani Duque.

Ipinaliwanag niya na sensitibo ang mga piyesa ng PCOS na unang ginamit sa halalan noong 2010.

Bukod sa PCOS, nagkaproblema sin ang compack flash (CF) cards ng ilang PCOS dahil hindi ito mabasa ng makina.

“Sabi ng technicians naming ay sobrang sensitive ng mga CF cards kaya nakabalot iyon sa aluminum,” sabi ni Duque.

Ilan samga lungsod at bayan sa lalawigan ng Bulacan na nakapagtala ng problema sa PCOS at CF cards aya ng mga lungsod ng  San Jose Del Monte, Meycauayan, Malolos, at mga bayan ng Baliwag, Balagtas, Bulakan, Guiguinto, Hagonoy, Marilao, Plaridel, San Rafael, Bustos, Paombong at Obando.

Ayon kay Joy Fernandez-Ramos ng Barangay Look 1st sa lungsod ng Malolos, pagbubukas pa lang ng kanilang presinto ay nagproblema na sa PCOS.

Dahil dito, pinalitan ang PCOS sa kanilang presinto  ngunit sa kabila nito, hindi pa rin nagamit ang ipinalit na makina.

Sa bayan ng Obando, nagpahayag ng pagkadismaya ang mga guro dahil sa problema saPCOS.

Ayon kay Franceline Bautista, isang guro ng Obando National High School, may mga PCOS na nag-jam o nagbara, mayroon ding nag-overheat o uminit ang makina.

Gayunn ang naging kalagayan sa bayang ito, partikular na sa presinto kung saan bumoto sina Gob. Alvarado noong Lunes.

Sa pagmamasid ng Mabuhay, habang bumoboto sina Gob. Alvarado at Kint. Marivic, nag-jam ang PCOS sa kanilang presinto kaya’t ginamitan itong patpat upang sundin ang balota at tuluyang mahulog sa ballot box na nasa ilalimng PCOS.

Ayon sa technician ng Comelec, puno na ang ballot box ng balita kaya ayaw mahulog ang balota na ipinasok sa PCOS.

Sa iba pang bayan sa lalawigan, naitala rin ang pag-iinit ng mga PCOS machine.

Ayon kay Duque, ito ay sanhi ng mainit na panahon.

Ngunit sa pagmamasid ng Mabuhay, makulimlim ang papawirin sa lalawigan noong araw ng halalan.

Dahil naman sa nag-init ang ilan samga PCOS sa Bulacan, tinapatan ito ng mga gurong kasapi ng Board of Election Inspector  (BEI) ng bentilador.

Ngunit sa kabila nito, marami pa ring PCOS ang nagkaproblema.

Matatandaan na ang PCOS ay unang ginamit sa halalan 2010.

Batay sa impormasyong nakalap ng Mabuhay mas maramig PCOS ang nagproblema sa katatapos na halalan kumpara noong 2010.

Dahil dito, marami ang nagpahayag na isa sa posibilida dng hindi maayos na operasyon ng PCOS ay ang edad nito at ang matagalna pagkakaimbak sa bodega sa Sta. Rosa, Laguna. 

Kaugnay nito, iginiit ni Duque na hindi makakabawas sa krebilidad ng halalan ang mga depektibong PCOS.

Binigyang diin niya na “wala namang dayaan” ngunit inamin niya na”nadedelay lang yung proseso ng halalan.”  (Dino Balabo)

Pagkukumpuni sa parola sa Bulacan, pangungunahan ng Sigla Movement

HAGONOY, Bulacan—Pangungunahan ng isang non-governmental organization (NGO) ang pagpapakumpuni sa parola sa bayang ito na may pitong taon nang walang ilaw.

Ang pagkukumpuni ay inaasahang matatapos bago magpasko ngayong taon.

Ayon kay Grossman Dax Uy, tagapangulo ng Sigla Movement of the Philippines (SMP) Bulacan chapter, lubhang mahalaga para sa mga mangingisda ang parola na matatagpuan sa baybayin ng Manila Bay sa Barangay Pugad ng bayang ito.

Ito ay dahil sa ang ilaw ng parola ang nagsisilbing gabay sa mga mangingisdang pumapalaot sa karagatan ng Maynila kung gabi.

“Uunahin namin yung pagpapailaw sa parola, saka isusunod yung pagpapatibay sa pundasyon nito,” ani Uy matapos bisitahin ang parola noong Sabado kasama ang mga kasapi ng SMP.

Sinabi pa ni Uy na lumagda na sila sa isang memorandum of agreement (MOA) ni Kapitan Ramon Atienza ng Barangay Pugad para sa pagpapakumpuni at pamamahala sa nasabing parola.

Ayon kay Rommel Santos, dating kagawad ng nasabing barangay, ang parola ay mahigit ng 80 taon.

Sinabi ni Santos na ilang matatanda sa kanilang barangay na may edad  na higit 77-taong gulang, bata pa sila ay nakatindig na ang parola.

Ngunit may mga nasasabi rin na panahon pa ng Kastila ay nakatindig na ang parola na nagsilbi ring gabay sa mga bumibiyaheng bangka kung gabi.

Bibigyang diin naman ni Kagawad Alfredo Lunes ng Barangay Pugad na ang nasabing parola ay unang naiilawan ng coleman.

Noong dekada 70, ito ay ginamitan ng kuryente ngunit palagiang nasisira kapaga bumabagyo dahil sa napuputol sa malakas na hangin ang kable ng kuryente.

Nitong huling bahagi ng dekada 90, ang parola ay pinalitan ng solar powered batteries at solar lamp.

Ngunit sa nakalipas na pitong taon ay hindi nagamit ang parola dahil sa nag-expired ang baterya nito

Dahil dito, hulining ng tulong sa mga opisyal ng mas matataas na tanggapan  ang mga namumuno sa Barangay Pugad.

Noong nakaraang taon, inilathala sa facebook.com ni Kagawad Bernard Dave Concepcio ang kalagayan ng parola na nakatawag pansin sa mamamahayag na ito.

Dahil dito, pinauntahan at kinunan ng larawanng mamamahayag na ito ang nasabing parola; na nakatawag naman ng pansin ni Bulacan Governor Wilhelmino Alvarado.

Inihain ni Alvarado sa Central Luzon Regional Development Council (RDC) ang panukala sa pagpapakumpuni noong Hunyo 30 ng nakaraang taon.

Kinatigan ng RDC ang panukala ni Alvarado matapos isulong ng mga kasapi nito ang pagpapatayo ng dagdag na parola sa mga bayan ng Obando at Paombong sa Bulacan, maging sa lalawigan ng Pampanga at Bataan.

Inendorso ng RDC sa Malakanyang aty sa Department of Transportation and Communications (DOTC) ang nasabing proyekto sa mga parola noong Oktubre 2011.

Ngunit hanggang sa kasalukuyan ay wala pang nakikitang pagkilos ang pamahalaang pambansa  sa pamamagitan ng DOTC.

Ayon kay Uy, ang plano ng SMP na pagpapakumpuni sa parola ay hindi isang pakikialam sa kakayahan ng pamahalaan, kungdi isang pagkakataon na makatulong sa mamamayang Bulakenyo partikular na sa mga mangingisda. (Dino Balabo)